Të paktën 13 persona kanë humbur jetën tani pasi një aeroplan bombardues rus është përplasur në një bllok apartamentesh në qytetin jugor rus, Yesk.
Dy pilotët e avionit Su-34, të cilët po bënin një fluturim stërvitor, u hodhën me parashutë përpara se avioni të godiste ndërtesën, raporton BBC.
Ekipet e shpëtimit rishikuan numrin e viktimave pasi përfunduan kërkimin e tyre në rrënoja, tha ministria ruse e emergjencave.
![](https://ichef.bbci.co.uk/news/976/cpsprodpb/56C5/production/_127231222_f5351cfb-00f5-44c1-a5d0-3a4acb4b462a.jpg)
Në mesin e viktimave ishin edhe tre fëmijë.
Zyrtarët thanë se 68 u shpëtuan nga zjarri në bllokun nëntëkatësh.
Nëntëmbëdhjetë persona të plagosur po trajtohen pas aksidentit të së hënës në mbrëmje.
“Sipas një raporti nga pilotët, të cilët u larguan nga avioni, arsyeja e rrëzimit ishte një zjarr në një nga motorët gjatë ngritjes”, tha ministria ruse e mbrojtjes.
“Në pikën ku u rrëzua avioni Su-34, në oborrin e një blloku banimi, furnizimi me karburant i avionit mori flakë”, është thënë ndër të tjera.
Qyteti port i Yeysk shtrihet pranë zonës së luftës lindore të Ukrainës, përtej Detit Azov nga qyteti i shkatërruar i Mariupolit.
Ai është përdorur si një terren kryesor trajnimi për aviacionin detar të Rusisë.