Të enjten sita e parë e shkollës në Ukrainë nuk do të përfshijë fëmijët që ndajnë kujtimet e pushimeve argëtuese me familjet e tyre por historitë e tyre janë të luftës së mbijetuar.
Sipas zyrës së Prokurorit të Përgjithshëm të Ukrainës, të paktën 379 fëmijë janë vrarë që nga fillimi i luftës, ndërsa vendndodhja e 223 të tjerëve nuk dihet.
Disa fëmijë janë detyruar të largohen nga vendlindja e tyre për të shmangur bombardimet, disa kaluan javë të tëra në bodrume. Ndërsa fëmijët në rajone “të sigurta” ndonjëherë arrinin të studionin në internet.
Gjatë gjashtë muajve luftë kanë dëmtuar 2 mijë e 400 shkolla në të gjithë vendin, duke përfshirë 269 që u shkatërruan, sipas zyrtarëve ukrainas. Por pas muajve të parë të tronditjes, 51 për qind e shkollave në Ukrainë, pavarësisht rrezikut, po rihapen për edukimin personal, me një mundësi për të studiuar në internet nëse preferojnë prindërit.
“Arsimi është thelbësor për kthimin në normalitet. Kjo është thelbësore”, tha zëdhënësi i UNICEF-it, James Elder. Shkollat që nuk kanë qasje të shpejtë në strehimore ose ndodhen afër kufijve me Bjellorusinë dhe Rusinë, ose pranë zonave ushtarake aktive, do të kenë vetëm studim online.
Ky është rasti për nxënësit e klasës së 7-të në Mykhailo-Kotsyubynske, vetëm 35 kilometra nga kufiri me Bjellorusinë, të cilët u mblodhën në shkollën e tyre për të marrë tekstet shkollore për të studiuar në internet. Ndërsa ata ishin duke luajtur, ata luajtën një version të “Truth or Lie”, ku lojtarët u përpoqën të merrnin me mend nëse pohimi i kundërshtarit të tyre për numrin e raketave që panë nga dritarja e tyre ishte i vërtetë apo i rremë, raporton AP.
“Ne nuk e kemi parë njëri-tjetrin për një kohë kaq të gjatë. Ju të gjithë jeni rritur kaq shumë”, tha mësuesja e tyre, Olena Serdiuk.
Oleksii Lytvyn, 13 vjeç, e kujton shumëmirë ditën kur raketat ruse kanë goditur shkollën dy herë. Pas shpërthimit të fortë, muret filluan të dridheshin dhe ai nuk mund të shihte asgjë përveç një reje të madhe pluhuri.
“Ne ishim duke fjetur në korridor dhe pas murit ishte një kufomë e një personi të vdekur,” kujton Oleksii. Familja e tij qëndroi edhe një natë përpara se të largohej nga qyteti, megjithëse ata janë kthyer që atëherë për fillimin e vitit shkollor.