23 vjet nga masakra në Poklek dhe Çikatovë të Vjetër

Foto nga masakra në Poklek dhe Çikatovë të Vjetër

Të shtunën e 17 prillit, bëhen 23 vjet nga masakra në fshatin Poklek i Vjetër dhe Çikatovë të Vjetër, komuna e Drenasit , ku ushtria serbe ka masakruar dhe i ka vrarë, pastaj i ka djegur kufomat e 77 shqiptarëve civilë të paarmatosur, duke filluar prej foshnjave gjashtëmuajshe e deri te pleqtë 75 vjeçarë.

Vetëm në fshatin Poklek, kanë mbetur të vrarë 54 persona.

Sipas të mbijetuarve, nga 54 viktimat e kësaj masakre, 24 prej tyre kanë qenë fëmijë nën moshën 18 vjeçare.

Foto nga masakra në Poklek dhe Çikatovë të Vjetër

Trupat e vdekur në këtë masakër u grumbulluan dhe u dogjën në një shtëpi të fshatit për të zhdukur gjurmët e krimit, i cili ndodhi në sy të dëshmitarëve.

Aty pësuan fëmijë, të rinj, të reja, burra dhe pleq që u vranë, u masakruan dhe disa prej tyre u dogjën.

Ndërsa në Çikatovë, po të njëjtën ditë, forcat serbe masakruan 24 qytetarë, po ashtu gra fëmijë e pleq.

Foto nga masakra në Poklek dhe Çikatovë të Vjetër

Por, edhe pas dy dekadash, askush nga urdhërdhënësit dhe ekzekutorët nuk u ndëshkua nga drejtësia.

Ndërkohë, Presidentja e Kosovës, Vjosa Osmani – Sadriu dhe kryetari i Kuvendit të Kosovës, Glauk Konjufca,pritet të bëjnë homazhe në kompleksin memorial në Poklek dhe Çikatovë të Vjetër.

Foto nga varreza e përbashkët e dëshmorëve të vrarë në Poklek

Shija e redaktorit

Ushtria amerikane numër 1 në botë, FSK e fundit në...

Kosova është me fat, sepse miku më i madh i saj, Shtetet e Bashkuara të Amerikës mbeten bindshëm larg fuqia më e madhe ushtarake...

Shtëpia botuese “Dukagjini” nesër promovon librin “Aneta: një epos heroinash”...

Për të gjithë ju, dashamirë të librit, ju njoftojmë që shtëpia botuese “Dukagjini, më datë 21 shkurt, ditën e premte, në orën 18:00, në...

Rama uron Kurtin me rastin e 17-vjetorit të shpalljes së...

Kryeministri i Republikë së Kosovës, Albin Kurti ka pranuar urime nga Kryeministri i Shqipërisë, Edi Rama me rastin e 17-vjetorit të shpalljes së Pavarësisë...

Të fundit nga rubrika