Kryetari i PDK-së, Memli Krasniqi ka reaguar lidhur me 26-vjetorin e protestave studentore, duke thënë se i lëkundi themelet e Jugosllavisë së atëhershme.
“Kjo protestë, e organizuar nga UPSUP dhe studentët e UP-së, e mbështetur nga i gjithë populli dhe stafi akademik në krye me Rektorin e UP-së, Prof. Ejup Statovci, mezashin e kishte të qartë: Kosova po bëhej një dhe bashkë kundër shtypjes dhe regjimit autoritar të Millosheviçit. Flaka e lirisë tashmë ishte ndezur”, ka shkruar Krasniqi.
Krasniqi ka thënë se kjo do të dëshmohej më 28 nëntor 1997 doli për herë të parë publikisht Ushtria Çlirimtare e Kosovës.
“Pjesa tjetër është histori! Nderim i përjetshëm të gjithë kontribuuesve për lirinë e Kosovës!”.
Këtë të diel janë mbushur 26 vjet nga protestat e Lëvizjes Studentore të vitit 1997.
Lëvizja Studentore organizonte protesta për të kundërshtuar pushtimin e Kosovës nga Serbia dhe kthimin e studentëve në objektet universitare, të cilët ishin dëbuar nga regjimi i Slobodan Millosheviqit.
Lexo dhe: 26 vjet nga protestat studentore
Vite më parë regjimi kishte vendosur masa të dhunshme në universitet por përpos tyre ai dëboi studentë e profesorë nga universiteti dhe imponoi plan-programin serb për mësim.