Tetë raste të dhunës në familje janë raportuar përgjatë 24-orëve të fundit në Republikën e Kosovës, në Prishtinë, Podujevë, Ferizaj, Suharekë, Prizren, Istog, Deçan dhe Gjakovë.
Raporti 24-orësh i Policisë së Kosovës bën të ditur se një grua ka njoftuar se është sulmuar fizikisht. E njëjta kishte pranuar tretman mjekësor.
“Prishtinë 22.12.2022 – 11:34. Viktima femër kosovare ka njoftuar se i dyshuari mashkull kosovar e ka sulmuar fizikisht. Viktima ka pranuar tretman mjekësor, ndërsa i dyshuari gjendet në kërkim policor”, thuhet në raport.
Krahas kësaj, është arrestuar i dyshuari kosovar i cili në gjendje të dehur, e kishte sulmuar fizikisht dhe kanosur viktimën kosovare. Kjo e fundit kishte refuzuar tretmanin mjeksor.
“Podujevë 22.12.2022 – 02:35. Është arrestuar i dyshuari kosovar për shkak se në gjendje të dehur, e kishte sulmuar fizikisht dhe kanosur viktimën kosovare. Viktima nuk ka dashur të marrë tretman mjekësor, ndërsa i dyshuari me vendim të prokurorit është dërguar në mbajtje”, thuhet në raport.
Një tjetër rast i dhunës ka ndodhur në Gjakovë. Njëjtë sikurse në Podujevë, i dyshuari kishte qenë në gjendje të dehur.
“Gjakovë 22.12.2022 – 09:30. Është arrestuar i dyshuari mashkull kosovar, pasi që në gjendje të dehur ka ushtruar dhunë ndaj viktimës femër kosovare. Viktima ka pranuar tretman mjekësor. Me vendim të prokurorit, i dyshuari është dërguar në mbajtje”, thuhet në raport.
Ndërkaq, në Ferizaj, është arrestuar i dyshuari kosovar pasi ka ushtruar dhunë ndaj viktimës femër kosovare. Me vendim të prokurorit i dyshuari është dërguar në mbajtje.
Një tjetër vikimë grua ka pranuar tretman mjekësor pasi ishte sulmuar fizikisht nga i dyshuari burrë koosvar, në Suharekë. Raporti i PK-së bën të ditur se akti kishte ndodhur pas një mosmarrëveshjeje. Ndërkaq, rasti po shkon në procedurë të rregullt pas konsultimeve me prokurorin.
Një rast i dhunës ka ndodhur edhe në Prizren.
“Prizren 22.12.2022 – 15:30. Ankuesja kosovare ka njoftuar policinë se pas një mosmarrëveshje është sulmuar fizikisht nga i dyshuari mashkull kosovar. Viktima ka pranuar tretman mjekësor, ndërsa i dyshuari është arrestuar dhe me urdhër të prokurorit është dërguar në mbajtje”, thuhet në raport.
Një tjetër i dyshuar është arrestuar pasi i njëjti dyshohet të ketë sulmuar fizikisht një grua kosovare, të enjten në Istog.
“Istog 22.12.2022 – 07:20. Viktima femër kosovare ka njoftuar policinë se është sulmuar fizikisht nga i dyshuari kosovar. I dyshuari është arrestuar dhe me vendim të prokurorit është dërguar në mbajtje”, thuhet në raport.
Përkundër rasteve të lartëcekura, është raportuar se në Deçan, një grua ishte sulmuar fizikisht nga një grua. E njëjta është arrestuar.
“Deçan 22.12.2022 – 12:00. Viktima femër kosovare ka njoftuar policinë se është sulmuar fizikisht nga e dyshuara femër kosovare. Viktima ka pranuar tretman mjekësor, ndërsa e dyshuara është arrestuar dhe me vendim të prokurorit është dërguar në mbajtje”, thuhet në raportin e PK-së.