Ngjarja më e madhe në futbollin botëror, e cila ndiqet nga miliarda njerëz në të gjithë globin, FIFA World Cup, do të zhvillohet të dielën më 20 nëntor në stadiumin “Al Bayt” në qytetin Jor, duke filluar nga ora 19:00 (me orën lokale), dhe do të zgjasë deri të dielën më 18 dhjetor.
Ende nuk dihet zyrtarisht se cilët do të jenë këngëtarët që do të përformojnë në ceremoninë e hapjes, megjithatë FIFA pret të vulosë pjesëmarrjen e grupit BTS. Ndërsa, sipas gazetës Marca, Shakira dhe Dua lipa mund të jenë pjesë e hapjes.
FIFA nuk e ka konfirmuar ende lajmin, por thashethemet kanë filluar të përhapen, dhe fansat tashmë po imagjinojnë se sa spektakolare do të jetë shfaqja para ndeshjes Katar vs Ecuado, e cila do të jetë e para e turneut.
Ndryshe, Shakira kishte bërë një interpretim të “Hips Don’t Lie” gjatë ceremonisë së mbylljes së Kupës së Botës 2006, së bashku me Wyclef Jean.
Po ashtu, Jean dhe Shakira u shfaqën edhe në Kupën e Botës të Brazilit.
Ndërkaq, Shakira kishte performuar “Waka Waka” edhe në ceremoninë e mbylljes së vitit 2010 në Johannesberg, me grupin afrikano-jugor Freshly Ground.
Kualifikimet e Kupës së Botës: Kush u kualifikua në Katar 2022?
32 vendet e kualifikuara për Kupën e Botës FIFA 2022 janë: Katari (Pritësi), Argjentina, Brazili, Anglia, Franca, Spanja, Belgjika, Portugalia, Gjermania, Holanda, Uruguai, Kroacia, Danimarka, Meksika, Shtetet e Bashkuara, Senegali, Uellsi. , Polonia, Australia, Japonia, Maroku, Zvicra, Gana, Republika e Koresë, Kameruni, Serbia, Kanadaja, Kosta Rika, Tunizia, Arabia Saudite, Irani, Ekuador.
Shorti i Kupës së Botës: Grupet
Ekipet janë ndarë në tetë grupe për fazën e parë të turneut.
Fituesit shpërblehen me 3 pikë, çdo ekip ka 1 pikë nëse ndeshja përfundon në nivel dhe humbësit nuk marrin pikë. Në fund të fazës së grupeve, dy skuadrat e para me më shumë pikë në secilin grup kualifikohen në raundet e eliminimit, duke filluar me raundin e 16-të.
Cila është kënga zyrtare e Kupës së Botës 2022?
Kënga me titullin, “Hayya Hayya” (Better Together) nga Trinidad Cardona , Davido dhe Aisha u pasua nga Arhbo, një këngë nga superylli i cili është fitues i çmimeve multiplatinum, së bashku me Ozuna dhe reperin francezo-kongolez Gims.
Gims është artisti i parë frëngjisht-folës që prodhon dhe përformon një kolonë zanore të Kupës së Botës.
FIFA World Cup here we go. The World is #yourstotake – out Friday. #budxbaby pic.twitter.com/SwLBfKPwpW
— Lil Baby (@lilbaby4PF) September 22, 2022
Kjo këngë e re optimiste iu bashkua kolonës zanore zyrtare të Kupës Botërore të FIFA-s, Katar 2022, dhe padyshim artisti më i madh në album, reperi amerikan, Lil Baby, fitues i çmimeve Grammy, ka publikuar një video duke shkruar “Bota është e juaja për të marrë”.