Drejtori i emergjencës në QKUK, Naser Syla, ka deklaruar se tre persona të plagosur nga sulmi në Podujevë, janë pranuar në Klinikën Emergjente në QKUK.
Ai për Portalin Dukagjini, ka thënë se njëri prej tyre është në gjendje më të rëndë shëndetësore, kurse dy të tjerët në gjendje stabile.
“Tre të plagosur janë, dhe gjendja e tyre është stabile për momentin, i janë bërë ekzaminimet mjekësore, dy janë jashtë rrezikut për jetë, një është më në rrezik, por në gjendje stabile”, ka thënë ai.
Ndërsa, Policia e Kosovës kishte raportuar për gjuajtje me armë zjarri në rrugën “Nuhi Gashi” në Podujevë.
Sipas policisë, nga gjuajtja me armë zjarri kanë mbetur të plagosur dy persona, të cilët janë dërguar për trajtimin e nevojshëm mjekësor.