Zëvendëskryeministrja, njëherësh ministrja e Punëve të Jashtme, Donika Gërvalla, të hënën e 14 nëntorit ka udhëtuar drejt Berlinit.
Kështu është bërë e ditur në një komunikatë për media, ku thuhet se Gërvalla do të marrë pjesë në kongresin e tetë botëror kundër dënimit me vdekje.
“Zëvendëskryeministrja dhe ministrja e Punëve të Jashtme dhe Diasporës, znj. Donika Gërvalla, ka udhëtuar për në Berlin ku do të marrë pjesë në kongresin e tetë botëror kundër dënimit me vdekje”, thuhet në njoftim.
Gjatë punimeve të kongresit, ministrja e Punëve të Jashtme dhe Diasporës, Donika Gërvalla do të zhvillojë një sërë takimesh bilaterale me homologë, përfaqësues të ndryshëm të shteteve pjesëmarrëse dhe të organizatave ndërkombëtare.
Në këtë kongres do të marrin pjesë ministra, organizata ndërkombëtare, akademikë, dhe institucione të të drejtave të njeriut.
Kongresi i tetë botëror kundër dënimit me vdekje do të mbahet nga 15-18 nëntor në Berlin të Gjermanisë, nën patronatin e Ministrisë së Punëve të Jashtme të Gjermanisë dhe me bashkë-sponsorizim nga Bashkimi Evropian, Franca dhe Zvicra.