Para disa ditësh u publikua foto e cila u cilësua si “historike”, në të cilën pozuan dy futbollistët e famshëm, Lionel Messi dhe Cristiano Ronaldo.
Futbollistët e njohur kanë pozuar për markën e mirënjohur, Louis Vuitton, derisa është publikuar videoja që përfshin prapaskenat.
Kjo video po bën xhiron e rrjetit ku shihet teksa Messi dhe Ronaldo kanë zgjedhur të komentojnë pjesëmarrjen e tyre në Kupën e Botës.
“Ky do të jetë botërori im i pestë. Fitorja më e paharrueshme ishte vlerësimi nga populli argjentinas. Ishte një fitore e madhe për mua”, ka thënë Messi në video.
Ndërsa, Ronaldo ka thënë ky botëror do të jetë i pesti dhe për të. “Ky do të jetë botërori im i pestë, kështu që mendoj se është një arritje e madhe”, ka thënë ai.
Detaji që ka tërhequr vëmendjen e publikut ishte fakti që dy futbollistët e njohur nuk janë takuar fare në fotosesion. Ky detaj nuk është pritur mirë nga mbështetësit e futbollistëve. Ndërsa për disa të tjerë ka rëndësi fakti që Messi dhe Ronaldo kanë pranuar të bashkëpunojnë me njëri-tjetrin.
Fotoja e dy futbollsitëve u pëlqye mjaftë shumë nga audienca në një kohë shumë të shkiurtër duke u shëndërruar në foto virale.
E njëjta foto është publikuar nga Ronaldo dhe arriti t’i mbledh mbi 30 milionë pëlqime në postimin e tij, ndërsa Messi mori 25 milionë pëlqime.