Kryetari i Aleancës për Ardhmërinë e Kosovës, Ramush Haradinaj, të dielën e 20 nëntorit kapritur në takim kongresmenin amerikan, Ritchie Torres.
Kështu ka bërë të ditur vetë Haradinaj përmes një postimi në llogarinë e tij në Facebook, ku ka theksuar se lidhja me Shtetet e Bashkuara të Amerikës është e pathyeshme.
Ky takim u zhvilluar në Gllogjan në Deçanit.
“Lidhja e shqiptarëve me Amerikën është e pathyeshme. Në Gllogjan sot, kisha nderin të pres një mysafir të veçantë, mikun e madh të shqiptarëve, kongresmenin Ritchie Torres”, ka shkruar Haradinaj.
Në mesin e shumë miqve, pjesë e kësaj vizite siç ka potencuar Haradinaj, ishte edhe atdhetari i madh Harry Bajraktari, ish-deputetja Vasfije Krasniqi Goodman, kryetarë të komunave, deputetë, bashkëluftëtarë e kolegë të tjerë.
Ndryshe, edhe kryetari i Kuvendit, Glauk Konjufca ka njoftuar se kongresmeni amerikan, Ritchie Torres ka ardhur në Kosovë.
“I dëshirojmë mirëseardhje kongresmenit amerikan Ritchie Torres në Kosovë”, ka shkruar Konjufca.
Tutje, kryetari i Kuvendit ka thënë se “kongresmeni Torres është një mik i madh i shtetit tonë”.
Tutje, kryetari i Kuvendit ka shtuar se gjatë një fjalimi të tij në Dhomën e Përfaqësuesve, Torres kishte thënë se “Kosova ka ndërtuar një demokraci në rritje, në zemrën e së cilës SHBA-ja e ka vend të veçantë”.
“SHBA-ja nuk ka mik më të mirë në Evropën Jugore se Kosovën dhe Kosova nuk mund të ketë mik më të mirë në botë se SHBA-në”, kishte thënë tutje kongresmeni Torres.
Kongresmeni Torres është një mik i madh i shtetit tonë. Gjatë një fjalimi të tij në Dhomën e Përfaqësuesve, Torres kishte thënë: “Kosova ka ndërtuar një demokraci në rritje, në zemrën e së cilës SHBA-ja e ka vend të veçantë. SHBA-ja nuk ka mik më të mirë në Evropën Jugore se Kosovën dhe Kosova nuk mund të ketë mik më të mirë në botë se SHBA-në”, kishte shkruar Konjufca.