“Bashkë me Shqipërinë jemi të pakapërcyeshëm gjeopolitikisht, ekonomikisht e shoqërisht”.
Kështu ka thënë ministri i Punëve të Brendshme, Xhelal Sveçla, pas kuvendit të përbashkët në Tiranë.
Me anë të një postimi në Facebook, në vigjilje të 28 nëntorit, ka thënë se kjo festë kombëtare ka kuptim vetëm kur të dy shtetet janë bashkë.
“Sot kisha nderin e veçantë t’i drejtohem mbarë popullit shqiptar në Kuvendin e parë të përbashkët Kosovë dhe Shqipëri. Aspiratat dhe detyrat e rilindasve, veprimtarëve e aktivistëve tanë patriotë, sot janë detyrë e shteteve tona patriote. Festa kombëtare e 28 Nëntorit ka kuptim vetëm kur jemi bashkë, sepse bashkë jemi edhe më të fortë”, ka shkruar ai.
28 Nëntori i ka bërë bashkë dy kuvendet, atë të Kosovës dhe Shqipërisë në Kuvendin shqiptarë në Tiranë.
Fjalët hyrëse në këtë mbledhje të përbashkët kishin kryeparlamentarja e kuvendit të Shqipërisë, Lindita Nikolla, dhe kryeparlamentari i Kuvendit të Kosovës, Glauk Konjufca.
Nikolla me emocione tha se në këtë ditë në këtë orë përmes emocioneve jo të përditshme Kosovën dhe Shqipërinë në një mbledhje të përbashkët i bën baskë 28 Nëntorit.
“Jam shumë lumtur që jemi sot bashkë bashke kuvendar të Shqipërisë dhe Kosovës. Sot kjo orë e shënuar përmes emocioneve jo të përditshme thërret një vëllazëri të përbashkët në vigjilje të 28 nëntorit, ditë së flamurit. E shënuar e para herë ditë kjo e bukur dhe e paharrueshme kjo e sotmja, ku mblidhen Kuvendi i Kosovës dhe Shqipërisë për të festuar 28 nëntorin. Dikur ky moment as në ëndërr nuk mund të na u shfaqeshin për shkak të okupatorëve”, ka thënë ajo.
Ajo tha se ky moment nuk të shfaqej as edhe në ëndërr, për shkak të armiqve që ka pasur populli shqiptar.
E ndërsa Konjufca tha se nga Tiran 28 Nëntori i ka bërë që ti përshëndetë të gjithë shqiptarët e kudo që jetojn në të gjitha anët ë botës.
Ai tha se kjo ditë ë, 28 nëntori është ajo cka shpalosë historinë e përbashkët e shqiptarëve.
“Na ka bërë tok në Tiranë Dita e 28 nëntorit, ti përshëndesim nga këtu të gjithë shqiptarët kudo që jetojnë. 28 nëntor është i Shqipërisë aq sa është i Kosovës, historia jonë kombëtare është sikur një substancë e vetëdijshme që shpaloset përmes 28 nëntorit… Mu në këtë ditë lindi heroi i kombit Adem Jashari”, ka thënë Konjufca.
Ndërkohë, në oborrin e Kuvendit është hapur edhe një ekspozitë me fotografi, ndërsa një grup të rinjsh kanë performuar me kostume tradicionale shqiptare.