Shpenzimet Cyber Monday, ditën më të madhe të blerjeve online në SHBA mund të arrijnë shifrat rekord rreth 11 miliardë e 600 mijë dollarë sipas një raporti, duke filluar nga pizhamet e deri tek AirPods.
Raporti i Adobe Analytics parashikon që gjatë të hënës të kenë rritje prej 8.5% nga viti i kaluar pasi është ndikuar nga inflacioni dhe me shpresën që Dita e Falenderimeve ofron shumë zbritje.
Adobe Analytics, e cila mat tregtinë elektronike duke analizuar transaksionet në faqet e internetit, ka akses në të dhënat që mbulojnë blerjet në 85% të 100 shitësve kryesorë të internetit në Shtetet e Bashkuara.
Shitjet e të hënës Cyber ranë 1.4% vitin e kaluar pasi shitësit me pakicë shpërndanë marrëveshje promocionale përgjatë javëve që nga fillimi i tetorit për të menaxhuar më mirë inventarët mes mungesave të gjera të produkteve.
Blerjet e mëdha njëditore duket se gjatë këtij viti janë rikthyer në modë, me shitësit kryesor duke përfshirë Target( Macy’s (MN) dhe Best Buy (BBY.N) që presin një kthim në modelet e blerjeve para pandemisë.
Faqja e internetit e Target, të hënën reklamoi zbritje deri në 40% në lodrat Hot Wheels dhe dekorimin e festave, ndërsa Amazon (AMZN.O) ofroi rreth 60% ulje në orët dhe aksesorët e nivelit të lartë. Uebsajtet Walmart (WMT.N) dhe Best Buy shfaqën gjithashtu zbritje me vlerë qindra dollarë në laptopë dhe televizorë të nivelit të lartë, raporton Reuters.
“Blerësit po presin sezonin të zbritjeve më të thella dhe janë më pak të ndjeshëm ndaj objekteve me shkëlqim,” tha Carol Spieckerman, presidente në kompaninë konsulente Spieckerman Retail.
“Me mbylljen e dyqaneve Walmart dhe Target në Ditën e Falënderimeve, Cyber Monday përfaqëson një pikë referimi për t’u bërë ose për t’u thyer”.
Blerësit do të gjejnë rekord të zbritjeve sot për kompjuterët, duke arritur kulmin me 27% ulje të çmimit të listuar, ndërsa pothuajse të gjitha kategoritë e tjera, duke përfshirë veshjet, lodrat dhe mobiljet, kanë gjithashtu zbritje dyshifrore, tha Adobe.
Blerësit amerikanë shpenzuan një rekord prej 9.12 miliardë dollarësh në internet të Premten e Zezë, sipas Adobe Analytics. Megjithatë, me reshje sporadike shiu në disa pjesë të vendit, dyqanet dhe qendrat tregtare panë turma më të pakta se zakonisht.
