Qyteti i dytë i Ukrainës, Kharkiv, ka mbetur pa energji pas valës së fundit të sulmeve ruse në shënjestër të stacioneve të energjisë në të gjithë vendin.
Zyrtarët ukrainasë kanë thaënë se deri në nëntë objekte energjetike janë goditur pasi forcat ruse hodhën 76 raketa dhe kanë kryer sulme me dronë në të gjithë Ukrainën. Kryetari i bashkisë së Kharkiv ka thënë se qyteti ka pësuar dëme “kolosale” në breshëri.
Një banore, Anastaisa, ka thënë për BBC se dëgjoi disa shpërthime ndërsa sulmet filluan të premten në mëngjes.
“Në pak minuta dritat filluan të vezullojnë”, tha nëna e një fëmije dy muajsh. “Vetëm 10 sekonda më vonë ne ishim pa energji, gjithçka shkoi në qetësi dhe kaq. Për momentin nuk ka as ujë sepse stacionet e pompimit nuk mund të funksionojnë kur nuk ka energji në qytet, kështu që teknikisht ajo që kemi tani është një qytet. pa furnizim me energji dhe ujë”.
Oleg Synegubov, kreu i administratës rajonale të Kharkiv, tka thënë se zyrtarët kishin planifikuar të rivendosnin energjinë deri në mesnatë, por operatori i rrjetit të energjisë Ukrenergo paralajmëroi se shkalla e dëmit mund të nënkuptojë se do të duhet më shumë kohë për të rivendosur furnizimet.
Operatori i rrjetit të energjisë Ukrenergo në një deklaratë ka thënë se sistemi energjetik kishte humbur më shumë se gjysmën e kapacitetit të tij për shkak të goditjeve të fundit dhe tha se përparësi do t’i jepet “infrastrukturës kritike – spitaleve, objekteve të furnizimit me ujë, objekteve të furnizimit me ngrohje, impianteve të trajtimit të ujërave të zeza”.
Këshilltari i Ministrisë së Mbrojtjes Yuriy Sak ka thënë për BBC se shërbimet e urgjencës po punonin për të rivendosur furnizimin me energji elektrike, por situata ishte “ende e vështirë”.
Diku tjetër, tre persona u vranë dhe 13 të tjerë u plagosën kur një ndërtesë banimi u godit në “Kryvyi Rih” dhe një i tretë vdiq në Kherson.
Alarmi u ngrit në të gjithë Ukrainën të premten dhe komandanti i përgjithshëm, gjenerali Valeriy Zaluzhny ka thënë se mbrojtja ajrore kishte kapur 60 nga 76 raketat e lëshuara, shumica prej tyre raketa lundrimi.
Zyrtarët e qytetit të Kievit thanë se rreth 40 raketa ishin lëshuar vetëm në kryeqytet, një nga breshëritë më të mëdha që nga pushtimi i Rusisë më 24 shkurt.
“Është shumë stresuese, por tani jam mësuar me këtë”, tha 42-vjeçarja Oksana, e cila jeton në kryeqytet. “Unë nuk dua që fëmijët tanë të jetojnë këtë, të jenë në bodrume, strehimore, nuk e dua këtë për ta.”
Ukraina e ka akuzuar Rusinë për “armatosjen e dimrit” duke goditur objektet thelbësore pasi temperaturat në pjesën më të madhe të vendit janë nën zero.