Profesori amerikan: Statusi i Asociacionit do të vazhdojë të jetë pikë e nxehtë midis Kosovës dhe Serbisë

Asociacioni i komunave me shumicë serbe, sipas profesorit amerikan, Alon Ben Meir, do të vazhdojë të jetë pikë e ndezjes së tensioneve midis Kosovës dhe Serbisë edhe për muaj të tërë, mbase dhe për vite

Asociacioni i Komunave të Kosovës

Profesori në Universitetin e New Yorkut, Alon Ben Meir, teksa ka folur rreth zhvillimeve të fundit në veriun e Kosovës, ka thënë se nuk do të ketë zgjidhje të tensioneve midis dy vendeve nëse Shtetet e bashkuara të Amerikës dhe Bashkimi Evropian nuk angazhohen në zgjidhje përfundimtare.

Në të kundërtën, sipas tij, veriu i Kosovës gjithmonë do të jetë një problem midis dy vendeve fqinje.

“Nuk do të ketë zgjidhje për konfliktin mes vendeve për qeverisjen e kësaj zone nëse nuk fokusohen, me mbështetjen dhe ndërmjetësimin e BE-së dhe SHBA-së, në arritjen e një marrëveshjeje përfundimtare”, ka shkruar ai në Facebook.

Eksperti amerikan për Ballkanin Perëndimor, Alon Ben Meir.

Sipas profesorit amerikan, një nga arsyet e problemit është Asociacioni i komunave me shumicë serbe.

“Konflikti kryesor në mes të Kosovës dhe Serbisë është statusi i komunave me shumicë serbe në veri të Mitrovicës, Zubin Potok, Zveçan dhe Leposaviq, të cilat do të mbeten pika e ndezjes për muaj, nëse jo edhe për vite në vijim”, shtoi ai.

Ai ka theksuar se “çështja aktuale kontradiktore” në lidhje me barrikadat që u vendosën nga serbët e Kosovës në kalimin në kufirin me Serbinë “është vetëm një pikë tjetër konfrontimi mes dy palëve”.

16 ditë janë bërë që nga vendosja e barrikadave në veri të Kosovës nga serbët si shenjë kundërshtimi i arrestimit të ish-policit serb, Dejan Pantiq, i cili po dyshohet për sulm ndaj zyrave të Komisionit Qendror të Zgjedhjeve në veri.

10 dhjetori ishte dita kur barrikadat u vendosën nëpër rrugët kyçe që të dërgojnë drejt pikave kufitare në Jarinjë e Bërnjak, e të cilat u mbyllen përkohësisht.

Ndërkaq, kryeministri i Kosovës, Albin Kurti, ka paralajmëruar se pas Krishtlindjeve do të takohet me komandantin e KFOR-it, për të sqaruar se si do të veprohet me barrikadat në veri të Kosovës.

Në një konferencë për media të shtunën, Kurti ka thënë se Qeveria është në pritje që KFOR-i të veprojë, por “kjo nuk mund të tolerohet pafundësisht”, sepse këto nuk janë barrikada civile, por “barrikada të njerëzve të uniformuar dhe të armatosur”.

Ndërkaq, gjatë ditës së shtunë, Kurti në një konferencë për media kërkoi 72 orë kohë për ta bërë të ditur emrin e ministrit të ri të Shëndetësisë.

Shija e redaktorit

Takimi i shefit të CIA-s dhe atij të AKI-së, në...

Agjencia e Kosovës për Inteligjencë (AKI) ka dhënë detaje për takimin në mes të shefit të CIA-s, William Burns dhe drejtorit të kësaj agjencie,...

Libraria Dukagjini lehtëson blerjen e teksteve shkollore, hap pikën e...

Në prag të fillimit të vitit të ri shkollor, Libraria Dukagjini është kujdesur që t’ua lehtësoj procesin e blerjes së librave për prindërit dhe...

Prindërit vazhdojnë furnizimin me tekste shkollore, interesim i lartë për...

Çdo shtator, sikurse qëllimin edhe adresën e kanë po të njëjtën. E këtë vit, edhe pakënaqësitë. Së bashku me fëmijët, prindër të shumtë kanë filluar...

Të fundit nga rubrika