Zëdhënësi i Policisë së Kosovës, Baki Kelani është distancuar nga faqet e rreme të Facebook-ut në emër të PK-së, të cilat janë duke i përdorur mediat serbe për të bërë propagandë në emër të Policisë së Kosovës.
Kelani në një përgjigje për RTV Dukagjini, ka thënë se “Kosovo Police” është e vetmja faqe zyrtare e PK-së dhe si e tillë është e konfirmuar nga rrjeti social Facebook.
Përndryshe, mediat serbe janë duke përdorur postimet nga një faqe në Facebook e cila e ka një emër “Njësia Speciale”, ku mediumi serb Pink.rs është duke i përdorur për propagandë postimet e kësaj faqe, pas së cilës nuk është Policia e Kosovës.
Situata në katër komunat veriore të Kosovës është duke tentuar që nëpërmjet lajmeve të rreme të eskalohet.