Përfaqësuesi i Partisë Social Demokrate, Zgjim Hyseni, i ftuar në “Debat Plus” në RTV Dukagjini, ka thënë se mes asociacionit dhe ripërcaktimit të kufijve me Serbinë, duhet ta zgjedh këtë të dytën.
Sipas tij, themelimi i një asociacioni me kompetenca ekzekutive do të ishte më i dëmshëm se sa ripërcaktimi i kufijve.
Hyseni ka theksuar, se një asociacion i tillë prapë se prapë do të linte konflikt brenda Kosovës.
“Jemi duke humb shumë duke e vazhduar status quon. Jam i gëzuar që në një vizitë të më hershme të Escobar ka thënë se jemi në rregull nëse pajtohen dy vendet për një marrëveshje të përbashkët.”
”Unë mendoj që Kosova nëse don marrëveshje finale me njohje, duhet të shkoj drejt ripërcaktimit të kufijve jo drejt asociacionit. Asociacioni do na lërë prapë konflikt brenda”, ka deklaruar Hyseni.
Ai ka shtuar se kryeministri Kurti, në fund do të vendos për asociacion sepse sipas tij, do i binte më pak dëm të brendshëm.
Hyseni, ka përmendur edhe rastin e lëndimit të ish-ambasadores së SHBA-së, Jackobson, për të cilën tha se nuk e kishin lënduar aktivistët e LVV-së, por rojet e saj në mënyrë të paqëllimshme.