Blerësit e mundshëm të makinave në Kinë kanë zbuluar se një reklamë në internet për një makinë sportive luksoze ishte shumë e mirë për të qenë e vërtetë.
Një përfaqësi e Porsche në qytetin e Yinchuan listoi automjetin e ri për 18 mijë e 300 dollarë.
Kjo është vetëm një pjesë e asaj që duhet të ishte. Panamera ka një çmim fillestar prej 148 mijë dollarësh. Ndërsa, promovimi tërhoqi qindra blerës të mundshëm që nxituan të siguronin atë që dukej të ishte një pazar.
Një zëdhënës i prodhuesit gjerman të makinave ka thënë për BBC se promovimi “përmbante një gabim serioz në çmimin e listuar me pakicë”, i cili u hoq menjëherë.
“Meqenëse kishte vetëm një automjet në magazinë, në përputhje me procesin e shitjes, Porsche Center Yinchuan ka komunikuar me klientin e parë i cili bëri një tarifë rezervimi të rimbursuar në internet dhe ka negociuar një rezultat të këndshëm”, shtuan ata.
Përfaqësuesi i shitjes së makinës gjithashtu ka kontaktuar “çdo ofertues individualisht dhe shpjegoi situatën duke kërkuar falje”.
Informacioni i pasaktë është postuar më 30 janar dhe klientët që kanë paguar tarifën e rezervimit prej 911 juanë janë rimbursuar, ka bërë të ditur prodhuesi i automjeteve, Porsche.
Incidenti bëri bujë në mediat sociale kineze, me një komentues që postoi “Kjo është arsyeja pse unë nuk blej Porsche lol”.
Të tjerë menduan se ishte thjesht një strategji promovuese që ishte “e kryer mirë”.
U sugjerua gjithashtu se kompania kishte qenë “e papërgjegjshme” dhe duhej të kishte respektuar ofertën e çmimit të ulur.
Një tjetër përdorues i mediave sociale pretendoi se ishte personi i parë që u përpoq të blinte makinën, por e kishte anuluar porosinë e tyre kur iu tha çmimi real. Ata thanë se do të ishte gabim të përpiqeshe të përfitoje nga një gabim.
Porsche filloi të shesë makina në Kinën kontinentale më shumë se 20 vjet më parë.
Në vitet e fundit kompania zgjeroi gjurmët e saj në ekonominë e dytë më të madhe në botë, ndërsa hapi shitës të rinj.
Vendi është tani tregu i vetëm më i madh i Porsche-s në nivel global, me shitjet në total në 6.2 miliardë dollarë në gjashtë muajt e parë të vitit të kaluar.