Në magjistralen Prishtinë-Pejë, respektivisht në fshatin Sllatinë një veture e ka goditur për vdekje një këmbësor.
Këtë e ka bërë të ditur edhe Policia e Kosovës, ku zëdhënësi i Policisë, Bajram Krasniqi për Dukagjinin thënë se policia është njoftuar rreth orës 20:45 për një aksident trafiku të ndodhur në rrugën nacionale Prishtinë-Pejë (fshati Sllatinë).
Në këtë aksident është përfshirë një veturë nga e cila është aksidentuar një këmbësor
“Rreth orës 20:35, policia është njoftuar për një aksident trafiku të ndodhur në rrugën nacionale Prishtinë-Pejë (fshati Sllatinë). Në aksident është përfshirë një veturë nga e cila është aksidentuar një këmbësor. Njësitet policore kanë dalë në vendin e ngjarjes, po ashtu edhe ekipi mjekësor të cilët kanë konstatuar se këmbësori është pa shenja jete”, ka thënë Krasniqi.
Ai ka bërë të ditur se drejtuesi i automjetit është shoqëruar në polici për të vazhduar me procedurat e parapara për raste të tilla.
