Lidhja Demokratike e Kosovës(LDK), të premten, organizon Konventën e saj programore, “Lidhja për të ardhmen”.
Në këtë Konventë do të hapet debati gjithëpërfshirës rreth vizionit, orientimeve themelore dhe platformës programore të LDK-së.
Konventa do t’i zhvillojë punimet më 29 dhe 30 prill 2022 në Hotel Emerald, Prishtinë, duke filluar prej orës 11:00.
Në këtë Konventë përveç Delegatëve të Kuvendit të LDK-së, janë të ftuar edhe anëtarët e Këshillit të Përgjithshëm, anëtarët e Kryesisë, kryetarët dhe Kryesitë e Degëve, deputetët e LDK-së në Kuvendin e Kosovës, kryetarët e Komunave nga radhët e LDK-së, asambleistët e Kuvendeve Komunale, grupet e ekspertëve, themeluesit dhe strukturat e tjera të Lidhjes Demokratike të Kosovës.
Në këtë organizim do të marrin pjesë edhe përfaqësues të EPP-së.
Fjalën hyrëse në këtë konventë do ta ketë kryetari i LDK-së, Lumir Abdixhiku.
