Në qytetin ku vizitorët janë të rrethuar nga shumë histori mijëravjeçare nga më të ndryshmet, qyteti i përjetshëm gjigant. Një vend ku për të paktën tre ditë të mundëson të shohësh një numër të vogël të vendeve që duhet parë.
Një qytet me ikona lashtësie, Roma një vend i madh, në të cilin mund të gjeni shumë atraksione.
Disa nga vendet që frekuentohen e që nuk duhet t’i humbisni janë:
Koloseu dhe Harku i Kostandinit
Një siluetë e Amfiteatrit Flavin, me një strukturë të madhe e cila është lënë që nga antikiteti romak, Koloseu me një dizajn si stadium futbolli.
Ndërtesa filloi nga Vespasiani në vitin 72 pas Krishtit, dhe pasi djali i tij Titus e zgjeroi atë duke shtuar katin e katërt, ajo u përurua në vitin 80 pas Krishtit me një sërë lojërash të mrekullueshme. Koloseu ishte mjaft i madh për shfaqje teatrale, festivale, cirqe ose lojëra, të cilat Oborri Perandorak dhe zyrtarët e lartë i shikonin nga niveli më i ulët, familjet aristokrate romake në të dytin, popullsia në të tretën dhe të katërtin.
Afër Koloseut qëndron harku i cili njihet si Harku i Kostandinit, hark triumfal i ngritur nga Senati për të nderuar perandorin si “çlirimtari i qytetit dhe sjellësi i paqes” pas fitores në betejën e urës Milvian në vitin 312.
Qyteti i Vatikanit
Vatikani, shteti i vogël i pavarur, me një siperfaqe prej më pak së gjysmë kilometri katror, ku pjesa më e madhe është e rrethuar nga muret e Vatikanit.
Zona e cila sundohej nga Papa, kreu suprem i Kishës katolike, është pallati dhe kopshtet e Vatikanit, Bazilika e Shën Pjetrit dhe Sheshi i Shën Pjetrit.
Në bazilikën e Shën Pjetrit gjendet kryevepra e Mikelanxhelos, Pieta, me statuja dhe altarë të tjerë. Një tjetër gjë interesante që gjindet brenda është Kapela Sistine, një tavan i mrekullueshëm e cila konsiderohet si vepra më e famshme e Mikelanxhelos.
Në Vatikan janë edhe një numer muzesh që e përfshijnë galerinë e fotografive, Muzeun e Artit Laik etj.
Forumi Romak
Ndërtimi në forum daton që nga shekulli i 7-të para Krishtit, Nga shekulli i 1 para Krishtit, kur Roma filloi sundimin e saj mbi Mesdheun dhe skajet e mëdha të Evropës, në Forum u ngritën ndërtime të shumta.
Forumi romak është një prej vendeve më të lashta në Romë, Duke zënë një hapësirë të gjerë midis Koloseut, Kodit Capitolinë dhe kodrës Palatine Hill, Forumi ishte qendra e jetës politike, fetare dhe komerciale të Romës së lashtë dhe siguron depërtim në shkëlqimin që dikur ishte Perandoria Romake.
Të ecësh në forum është si të kthehesh prapa në kohë, forumi përmban ndërtesa të lashta, monumente dhe gërmadha.
Shatërvani Trevi
Kjo kryevepër e shekullit të 17-të është përjetësuar në filma derisa është pothuajse një vizitë e nevojshme, është një nga atraksionet turistike më të njohura të qytetit. Hedhja e një monedhe në shatërvanin e Trevit (Fontana di Trevi) është një traditë që supozohet të sigurojë kthimin tuaj në Romë.
Shatërvani më i madh i Romës, Fontana di Trevi furnizohet nga një ujësjellës i ndërtuar fillimisht nga Agrippa, mbrojtësi i madh i artit i shekullit të parë para Krishtit, për të sjellë ujë në banjat e tij. Shatërvani u krijua për Papa Klementin XII midis 1732 dhe 1751 nga Nicolò Salvi dhe u ndërtua kundër murit të pasmë të pallatit të Dukës së Polit.
Ai përshkruan perëndinë e detit Oqeanus (Neptun), me kuaj, triton dhe guaska. Uji rrotullohet rreth figurave dhe shkëmbinjve artificialë dhe grumbullohet në një legen të madh, gjithmonë të mbushur me monedha.
