Max Verstappen ka folur për qëllimet e tij afatgjata dhe të ardhmen e tij në Formula 1, duke e bërë të qartë se ai nuk është “i interesuar” të vendosë një rekord për titujt botërorë. Ai ka thënë se tashmë ndihet i plotësuar me atë që ka arritur.
Verstappen bëri debutimin e tij në F1 në vitin 2015, në moshën 17-vjeçare, dhe që atëherë ka arritur 37 fitore, 22 pole position, 80 podiume dhe dy kampionate botërore deri më sot, me mbrojtjen e tij të titullit të vitit 2023, duke filluar në mënyrë mbresëlënëse.
Një zgjatje e kontratës e nënshkruar së fundmi do ta mbajë Verstappen në Red Bull, të paktën deri në fund të vitit 2028, kur ai do të mbushë 30 vjeç dhe shefi i ekipit Christian Horner ka parashikuar se holandezi nuk do të jetë “një Fernando Alonso”, duke garuar në të 40-tat.
Përpara Çmimit të Madh të Azerbajxhanit, Verstappen u pyet për marrëveshjen e tij aktuale, dhe nëse ai mendon se do të jetë i motivuar t’i shtojë ambiciet në të, atë kur të vijë koha – me potencialin për disa tituj të tjerë që do të fitohen nga tani e tutje.
“Varet se sa konkurruese është makina edhe në sezonin e kaluar, dhe ndoshta varet edhe nga mundësitë që do të kem rreth Formula 1, ose se çfarë do të jem duke bërë tashmë jashtë Formula 1 në atë kohë, kështu që, për momentin është pak vështirë të imagjinohet se çfarë do të ndodhë pas vitit 2028″, tha ai, transmeton F1.
I shtyrë në pyetjen nëse njohja si piloti më i madh në historinë e F1 e motivon atë, Verstappen tha: “Jo. Nuk jam i interesuar të fitoj shtatë apo tetë tituj. Nëse keni makinën për ta bërë këtë, atëherë shkëlqyeshëm. Por edhe nëse nuk ndodh, unë jam i lumtur – tashmë jam i lumtur, kështu që është në rregull!”
Një mundësi që iu dha Verstappen ishte ajo e një pushimi nga F1, të cilën kampioni dy herë Alonso zgjodhi disa vite më parë për të provuar kategori të ndryshme.
“Është e vështirë të thuash kur nuk ke pasur kurrë pushim, apo jo? Unë do të jem gjithmonë në rrjet deri në fund të vitit 2028”, tha ai në përgjigje. “Jam ende shumë i ri, por gjithmonë kam thënë se dua të bëj edhe lloje të tjera garash, pak si ajo që bëri Fernando”.
Krahas kësaj, Verstappen ka thënë se ambiciet e tij për të formuar një ekip të tijin janë evidente, gjë të cilën do ta preferonte ta bënte përpos ngarjes së makinës.
Verstappen shkon në raundin e katërt të sezonit 2023 me 15 pikë epërsi ndaj shokut të skuadrës, Sergio Perez, në renditjen e pilotëve.