Ish-presidenti i Kosovës, Fatmir Sejdiu në Në 13 – vjetorin e vendimit të Gjykatës Ndërkombëtare të Drejtësisë, ka thënë se ky vendim është historik pasi sipas tij, ai e kishte konfirmuar se shpallja e pavarësisë së Kosovës “nuk paraqet shkelje të së drejtës ndërkombëtare as të Rezolutës 1244 dhe Kornizës Kushtetuese”.
Më tej ai ka thënë se “është akti historik më i rëndësishmi që e mbështet edhe juridikisht vendimin e përfaqësuesëve të popullit të marrë në ditën e 17 shkurtit 2008 për Pavarësinë e Kosovës”.
Sipas tij vendimi i GJND-së e “ishte përgjigje edhe ndaj gjithë atyre lojërave dhe trysnive ndaj Kosovës me të cilat dëshironin të shembnin vullnetin e popullit të Kosovës për të jetuar i lirë dhe i pavarur”.
Më poshtë mund ta lexonin postimin e plotë të ish-presidentit të Kosovës, Fatmir Sejdiut.
Në 13 – vjetorin e vendimit historik të Gjykatës Ndërkombëtare të Drejtësisë
Vendimi i Gjykatës Ndërkombëtare të Drejtësisë i cili i mbështetur në argumente të fuqishme dhe të parrëzueshme konfirmon se shpallja e pavarësisë së Kosovës “nuk paraqet shkelje të së drejtës ndërkombëtare as të Rezolutës 1244 dhe Kornizës Kushtetuese” është akti historik më i rëndësishmi që e mbështet edhe juridikisht vendimin e përfaqësuesëve të popullit të marrë në ditën e 17 shkurtit 2008 për Pavarësinë e Kosovës.
Ky vendim i GjND-së ishte përgjigje edhe ndaj gjithë atyre lojërave dhe trysnive ndaj Kosovës me të cilat dëshironin të shembnin vullnetin e popullit të Kosovës për të jetuar i lirë dhe i pavarur.
Nuk ishte paradoks kur për vendimin e tillë votojnë edhe gjyqtarë nga vendet që ende nuk e kanë njohur Republikën e Kosovës. Kjo në fakt ishte mbështetje e argumenteve të parrëzueshme të cilat ishin baza themelore mbështetëse e veprimeve të saj në ditën e shenjtë të 17 Shkurtit 2008.