Presidentja e Kosovës, Vjosa Osmani, i ka dënuar linçimet që u janë bërë së fundmi policëve të rinj serbë në veri të Kosovës nga përdorues serbë të rrjeteve sociale.
Me anë të një postimi në Twitter, Osmani ka thënë se këto kërcënime janë bërë nga Serbia dhe grupet e saj kriminale.
Për këtë, Osmani thotë se autorët duhet të dalin para organeve të drejtësisë.
“Dënoj kërcënimet ndaj oficerëve të policisë të bëra nga Serbia dhe grupet e saj kriminale. Policia jonë është profesionale dhe multietnike. Kjo fushatë duhet të ndalet dhe autorët të dalin para drejtësisë. Ne qëndrojmë me policët tanë, ndërsa ata me guxim shërbejnë për një Kosovë më të sigurt për të gjithë”, ka thënë ajo.
I condemn the threats on 🇽🇰 Police officers by Serbia &its criminal groups. Our police is professional & multiethnic. This campaign must be stopped and the perpetrators must be brought to justice. We stand with our police officers while they bravely serve for a safer 🇽🇰 for all.
— Vjosa Osmani (@VjosaOsmaniPRKS) July 26, 2023
Në fillim të kësaj jave e nisën punën 72 policë të rinj nga komunitetet joshumicë.