Presidentja e vendit, Vjosa Osmani, ka pritur në takim këtë të martë ambasadorin e Gjermanisë në Kosovë, Jorn Rohde.
Në këtë takim është diskutuar për zhvillimet e fundit në vend.
“Presidentja Vjosa Osmani ka pritur sot në takim ambasadorin e Gjermanisë në Kosovë, Jorn Rohde, ku u diskutua për zhvillimet e fundit në vend, me ç’rast u diskutua edhe për punën që po bëhet për zbatimin e çështjeve të dakorduara në Bratisllavë”, njofton Presidenca.
Presidentja Osmani ka vlerësuar bashkëpunimin me Gjermaninë dhe ka konfirmuar partneritetin e palëkundur ndërmjet të dyja vendeve.
Në këtë takim, presidentja Osmani dhe ambasadori Rohde kanë diskutuar edhe për edicionin e sivjetëm të Forumit për Gratë, Paqen dhe Sigurinë.