Drejtoresha e Arsimit në komunën e Prishtinës, Besianë Musmurati, ka njoftuar se në muajin tetor do të hapet shkolla e re në Vranidoll, e që sipas saj, objekti i këtij institucioni arsimor do të jetë modern dhe miqësor në krejt Prishtinën.
“Në qeverisjen tonë jodiskriminuese, infrastruktura shkollore do të jetë moderne dhe miqësore si në Prishtinë, ashtu edhe në fshatrat e saj. Kjo është shkolla e re në Vranidoll që do të hapet në tetor”.
“Bashkë me drejtorin e shkollës sot vizituam punimet në shkollën e re dhe u ndamë shumë të kënaqur me dinamikën e punëve që po vazhdojnë çdo ditë”, ka thënë Musmurati.
Ajo ka përfunduar se muaji tetor do të jetë muaji me një shkollë të re në kryeqytet, moderne dhe që i plotëson nevojat e nxënësve të Vranidollit.