Kryetari i Prishtinës, Përparim Rama, ka njoftuar se në lagjen “Aktash” po vazhdon implementimi i projektit për lirimin dhe ofrimin e sigurisë në hapësirat publike për qytetarë.
Rama thotë se “trotuaret nuk janë për vetura”.
“Duke ditur se për Sektorin e Mobilitetit prioritet është lëvizja aktive për fëmijët, personat me aftësi të kufizuara, të moshuarit dhe të gjithë këmbësorët e tjerë, atëherë nuk do të ndalemi deri në lirimin e të gjitha hapësirave publike për qytetarë”, ka shkruar kryetari i Prishtinës, Përparim Rama.