Presidentja e Kosovës, Vjosa Osmani ka thënë se Shtetet e Bashkuara të Amerikës (ShBA) gjithmonë qëndrojnë pranë Kosovës dhe popullit shqiptar.
“Unë e mirëpres deklaratën e qartë të administratës së Biden, duke thirrur veprimet tejet destabilizuese të Serbisë kundër Kosovës”, ka shkruar Osmani.
Osmani ka bërë thirrje për përgjegjësi për ata që planifikuan dhe kryen sulmin kundër Policisë së Kosovës, të dielën e 24 shtatorit në fshatin Banjskë të Komunës së Zveçanit.
1/ The United States always stands by Kosovo & its people.
I welcome the clear statement by the Biden Administration, calling out Serbia’s highly destabilizing actions against 🇽🇰:
➡️ Calling for accountability for those who planned & carried out the attack against 🇽🇰 Police.
— Vjosa Osmani (@VjosaOsmaniPRKS) September 29, 2023
“Duke denoncuar inskenimin e paprecedentë të njësive dhe artilerisë së avancuar ushtarake serbe përgjatë kufirit me Kosovën”, ka thënë presidentja në platformën “X”, duke shtuar se armët e fshehura në veri të Kosovës paraqesin rrezik të konsiderueshëm si për Policinë e Kosovës ashtu edhe për trupat e NATO-s në Kosovë.
2/ ➡️ Denouncing the unprecedented staging of advanced Serbian military units & artillery along the border with Kosovo.
➡️ Weapons stashed in the north of Kosovo pose a significant risk to both Kosovo Police and NATO troops in 🇽🇰.
— Vjosa Osmani (@VjosaOsmaniPRKS) September 29, 2023
Presidentja e Kosovës ka shtuar se Shtetet e Bashkuara të Amerikës (ShBA) po punojnë me aleatët e NATO-s për të adresuar përpjekjet për të destabilizuar Kosovën dhe për të minuar sigurinë e të gjithë qytetarëve të saj.
“I bën thirrje Serbisë që të tërheqë forcat nga kufiri dhe të ulë tensionet”, ka shkruar tutje Osmani.
3/ ➡️ 🇺🇸 is working with NATO Allies to address attempts to destabilize Kosovo and undermine the security of all its citizens.
➡️ Calling on Serbia to withdraw forces from the border and lower tensions.
— Vjosa Osmani (@VjosaOsmaniPRKS) September 29, 2023
Ndër të tjerash, Osmani ka theksuar se mbetën të përkushtuar për të punuar “ngushtë” me SHBA-në dhe aleatët tanë të tjerë të NATO-s për të adresuar sfidat e sigurisë dhe “për të mbrojtur liritë tona të fituara me vështirësi”.
4/ We remain committed to working closely with the U.S. and our other NATO allies to address security challenges and defend our hard-earned freedoms.
— Vjosa Osmani (@VjosaOsmaniPRKS) September 29, 2023
Koordinatori për komunikime strategjike në Këshillin e Sigurisë Kombëtare të SHBA-së, John Kirby, shprehu shqetësimin e Uashingtonit, për siç tha, “dislokimin e madh” të trupave të Serbisë përgjatë kufirit me Kosovën.
“Ne do të monitorojmë dislokimin e madh serb përgjatë kufirit me Kosovën. Ne i bëjmë thirrje Serbisë të tërheqë forcat nga kufiri dhe të vazhdojë të ulë tensionet”, tha Kirby gjatë një bisede me gazetarë më 29 shtator.
Lexo dhe: ShBA i kërkon Serbisë të tërheqë trupat ushtarake nga kufiri me Kosovën
Ai tha se gjatë bisedës që sekretari amerikan i Shtetit, Antony Blinken, zhvilloi më herët gjatë ditës me presidentin serb, Aleksandar Vuçiq, ka kërkuar që Serbia të ulë tensionet.
Kirby tha se incidentet e dhunshme, sikurse ai i majit ndaj pjesëtarëve të KFOR-it, por edhe ai në Banjskë, paraqesin rrezik jo vetëm për personelin e sigurisë së Kosovës, por edhe të NATO-s.