Policia e Kosovës ka njoftuar se ka arrestuar një grua në Shtime, pasi dyshohet se kërcënoi me thikë një mjek në QKMF të Shtimes.
“Stacioni policor në Shtime, sot rreth orës rreth orës 13:00 ka pranuar një informacion nga Qendra Kryesore e Mjekësisë Familjare në Shtime se është një rast i kanosjes. Në lidhje me këtë, policia i ka marrë veprimet e nevojshme dhe menjëherë ka dalë në vendin e ngjarjes dhe ka arrestuar të dyshuarën B.B (F/K) e moshës 47 vjeçare, e cila me një mjet të mprehtë (thikë) kishte kanosur një mjek të kësaj qendre”, thuhet në njoftimin e PK-së.
Sipas njoftimit të Policisë së Kosovës, e dyshuara është ndaluar për 48 orë dhe rasti është iniciuar si “Kanosje”.
“Policia të dyshuarën më pas e ka shoqëruar në stacionin e policisë në Shtime dhe pas intervistimiT nga policët hetues, me vendim të prokurorit kujdestar nga Prokuroria Themelore në Ferizaj është ndaluar në mbajtje për 48 orë, për procedura të mëtejme hetimore, ndërsa rasti është cilësuar “Kanosje”, thuhet tutje në njoftim.