Xhavit Jashari nga shoqatata e familjeve të dëshmorëve të Kosovës, në një lidhje direkte në emisionin “FIVE” në RTV Dukagjini, për bastisjet e sotme të Prokurorisë, ka thënë se gjithë këto ndodhin nga një gjykatë të cilën ne nuk e njohim.
“Gjithë këto ndodhin nga një gjykatë të cilën ne nuk e njohim, dhe e keqja më e madhe, jo vetëm luftës së Ushtrisë Çlirimtare të Kosovës por dhe kombit i është bërë kur është votuar kjo gjykatë nga Parlamenti i Republikës së Kosovës”, ka thënë Jashari.
Ai është shprehur se kjo gjykatë po bënë politikën e shtetit të Serbisë.
“Është faktuar që është gjykatë politike duke bashkëpunuar me prokurorinë e Serbisë dhe me shpifje të individëve të ndryshëm duke depunuar akuza të rreme. Mendoj se edhe kësaj do t’i vie fundi dhe atje nuk do të goditet më tutje lufta e Ushtrisë Çlirimtare të Kosovës”, ka thënë ai.
Jashari ka thënë se në këtë gjykatë ka të bëjë goditja e UÇK-së. “Çdo ditë e më shumë po faktohet se këru ka të bëjë që të goditet lufta e pastër dhe e drejtë e Ushtrisë Çlirimtare të Kosovës, dhe këto bastisjet e fundit janë në vazhdën e kësaj gjykate. Mbi një shpifje të një raporti që është krijuar dhe që nuk ka rezultuar asgjë positive”, ka thënë tutje Jashari.
Lidhur me zhvillimet e sotme mund t’i lexoni lajmet më poshtë:
- Specialja bastis banesën e Blerim Shalës
- Familjarët e Bashkim Smakajt: Bastisjet janë të padrejta, me akuza të pavërteta
- KMDLNJ-ja: Gjykata Speciale po shkakton dhunë psikologjike