Një burrë nga Vushtrria ka raportuar në stacionin policor se të martën persona të panjohur kanë shkruar grafite në pjesë të ndryshme të shtëpisë së tij.
Në raportin 24-orësh të policisë thuhet se këto grafite janë shkruar me sprej në derën e hyrjes së shtëpisë, garazhës si dhe në disa dritare.
Rasti nga policia është cilësuar si “Nxitje e urrejtjes, përqarjes ose mosdurimit kombëtar, racor, fetar apo etnik”.
Ka rast vazhdon të jetë në procedurë te rregullt hetimore.
“Ankuesi mashkull kosovar ka raportuar se persona të dyshimtë të panjohur në derën e hyrjes së shtëpisë, garazhës si dhe në disa dritare të shtëpisë së tij me sprej kishin shkruar grafite. Rasti në procedure të rregullt hetimore”, thuhet në raportin e policisë.