Haxhiu për gërmimet në Prekaz: Janë gjetur mbetjet mortore të një individi, që i takon kohës së luftës

Ministrja e Drejtësisë, Albulena Haxhiu, ka thënë se pas gërmimeve në Prekaz të Skenderajt, janë gjetur mbetjet mortore të një individi

Albulena Haxhiu, Ministre e Drejtësisë

Ministrja e Drejtësisë, Albulena Haxhiu, ka thënë se pas gërmimeve në Prekaz të Skenderajt, janë gjetur mbetjet mortore të një individi, që i takon kohës së luftës.

Në një postim në Facebook, Haxhiu ka thënë se mbetjet do të dërgohen në Institutin e Mjekësisë Ligjore (IML) për vazhdimin me procedurat e ekzaminimit dhe të identifikimit mjekoligjor.

“Sot, gjatë vazhdimit të punëve në lokacionin Prekaz i Poshtëm, ekipet e IML-së dhe EULEX, me mbështetjen e policisë, KQPZH dhe ICRC kanë arritur të gjejnë dhe të tërheqin mbetjet skeletore të një individi që i takon kohës së luftës. Mbetjet mortore janë dërguar në IML me ç’rast do t’i nënshtrohen ekzaminimit dhe identifikimit mjeko ligjor”, ka shkruar Haxhiu.

Ndryshe, gjatë ditës së hënë, ekipet hetimore të mjekësisë ligjore përsëri kanë hasur në mbetje mortore/eshtra në Prekaz të Skenderajt.

Kryesuesi i Komisionit Qeveritar për Persona të Zhdukur, Andin Hoti, ka njoftuar zbulimin, duke shtuar se ekziston dyshimi se këto eshtra potencialisht u përkasin viktimave të listës së personave të zhdukur.

“Edhe sot ekipet kanë hasur në eshtra (mbete mortore) që potencialisht i përkasin viktimave të listës së personave të zhdukur në Prekaz të Skenderaj”, ka njoftuar Hoti në Facebook.

Më 9 nëntor, Komisioni Qeveritar për Persona të Zhdukur ka njoftuar se gjatë gërmimeve që kanë bërë në fshatin Prekaz të Skenderajt, kanë hasur në mbetje mortore/eshtra, që thuhet se, gjithashtu, mund të jenë të personave të zhdukur.

Mbetjet mortore të një personi të gjetura më 9 nëntor, dyshohet se është vrarë në masakrën e Polacit, ndërsa kërkimet nga ekipet e mjekësisë ligjore, të policisë dhe të prokurorisë së EULEX-it po vazhdojnë me shpresën se trupat e viktimave të tjera të vrarë gjatë luftës.

Përveç në Kosovë, gërmimet për gjetjet e personave të zhdukur gjatë luftës, tashmë kanë rinisur edhe në Serbi, në lokacionin Shtavajl.

Këtë e ka konfirmuar për Dukagjinin, kryesuesi i komisionit qeveritar për personat e zhdukur, Andin Hoti, i cili thotë se tashmë ekipet e Kosovës kanë nisur punën atje.

Shteti serb kishte ndërprerë gërmimet në Serbi gjatë vitit 2021 në këtë vend dhe që atëherë, institucionet e Kosovës kishin kërkuar që të lejoheshin gërmimet në vendet ku dyshohet të ketë varreza masive, por një gjë e tillë nuk kishte ndodhur.

Në Kosovë janë ende mbi 1 mije e 600 persona të zhdukur që nga përfundimi i luftës.

Shija e redaktorit

Boksieri shqiptar Roberto Bakaj fiton meçin me nokaut

Roberto Bakaj ka shënuar fitore në meçin e zhvilluar në Harrow Leisure Center. Bakaj ashtu si vëllai i tij arriti ta nokautoj kundërshtarin, Shaban Hamadi...

Amarildo Bakaj fiton meçin me nokaut

Amarildo Bakaj ka shënuar një tjetër fitore në boksin profesionist. 25-vjeçari arriti fitore ndaj kundërshtarit, Mawuli Folivi në meçin e zhvilluar në Harros Leisure Center. Bakaj...

DASH lidhur me aktakuzën për Banjskën: Të respektohet procesi gjyqësor

Shtetet e Bashkuara tha se inkurajojnë respektimin e procesit gjyqësor dhe të sundimit të ligjit, pasi Kosova ngriti aktakuzë lidhur me sulmin e armatosur...

Të fundit nga rubrika