Një person ka humbur jetën në Prishtinë, pasi e kishin zënë disa panele druri në vendin e tij të punës.
Siç ka njoftuar Policia e Kosovës, rasti ka ndodhur të dielën rreth orës 21:15.
“Është raportuar se viktima mashkull kosovar kishte pësuar lëndime trupore pasi e kishin zënë disa panele druri. Lidhur me rastin, viktima është dërguar në QMF Prishtinë dhe nga mjeku kompetent është konstatuar vdekja e tij”, bëhet e ditur nga policia.
Njësitet relevante policore kanë dalë në vendin e ngjarjes, ndërsa me urdhër të prokurorit trupi i pajetë i viktimës është dërguar në IML për obduksion.
Rasti nga ana e Policisë është iniciuar si “asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.