Norma për konkurs duket se ishte realizuar por kjo nuk mjaftoi që menaxhmenti i ndërrmarjes “Trepca”, konkursi për kryeshef ekzekutiv të kësaj ndërrmarje ta shtyente edhe për pesë ditë të tjera.
Në njoftimin publik, thuhet se për shkak të kompleksitetit të çështjes administrative konkrete,ky konkurs duhet të shtyhet.
Dyshime për këtë shtyrje të afatit prej pesë ditësh po hedh Gazmend Morina, që në momentin e fundit hoqi dorë për këtë pozit.
“Tutje kom pa që kish me qenë më e drejt mos me apliku edhe sikur mos të ishte peticioni pasi konkursi është vazhdu dhe kjo po tregon që mundet më pas pazrare të ndryshme për poziten e kryeshefit. Po shihet që punëtoret do të hynë në grev pasi kërkesat e tyre nuk po realizohen”, ka thënë Gazmend Morina.
Të paknaqur jo vetëm me këtë por edhe më atë se marrëveshja e arritur nuk po zbatohet, janë minatorët.
“Nuk është zbatu as një pik deri tash, përjashtim të pikës dy që është hapja e konkursit të menaxherit që ka një zvarritje edhe aty. Paga nuk është realize deri në fund të nëntorit dhe jemi afër afatit për pagën e nëntorit dhe mbesim të shohim se si do të shkoj”, ka thënë Fevzi Ademi nga Sindikata e Punëtorëve të “Trepcës”.
E shtyrjen e afatit të aplikimit për përzgjedhjen kryeshefit të ri e kanë kërkuar Organizatat Joqeveritare.
Sipas GLPS-së ekzistojnë tri shkeljet që janë gjetur me të filluar ky konkurs.
“Shkelja e parë është kandidatëve ju është kërkuar dokumente që nuk janë në hetime e jo dukmentin që nuk janë të denuar fare, pastaj nuk është kërkuar niveli I shkollimit por janë cekur vetëm drejtimet. Paqartësia e tretë ka të bëjë që në konkurs preferohetë që kandidatët të kenë punuar në ndërrmarje të medha”, ka thënë Ema Pula nga GLPS.
Konkursi për kryeshef ekzekutiv ishte hapur më 13 nentor të këtij viti, derisa ashtu siç mëson Dukagjini deri me datën 29 ku ishte parapa të jetë dita e fundit e konkursit, kishin aplikuar mbi 10 persona.