Përfaqësuesi i Kosovës për marrëdhënie me NATO-n, ambasadori Astrit Zemaj, ka takuar Ministrin e Mbrojtjes të Ukrainës, Rustem Umerov.
Këtë e ka bërë të ditur vetë Zemaj përmes një postimi në X, ku ka theksuar se Republika e Kosovës qëndron me Ukrainën.
“Sot në margjinat e Konferencës së Bazës Industriale të Mbrojtjes së Ukrainës të mbajtur në Uashington DC, isha i kënaqur që pata mundësinë të takohesha shkurtimisht me Ministrin e Mbrojtjes të Ukrainës, Rustem Umerov”, ka shkruar Zemaj.
Today on the margins of Ukraine Defense Industrial Base Conference held in 🇺🇸 Washington DC, I was pleased to have the opportunity to briefly meet with 🇺🇦 Defence Minister, Rustem Umerov @rustem_umerov
Republic of #Kosova 🇽🇰 stands with #Ukraine️ 🇺🇦 pic.twitter.com/ucqGO7eOaF— Ambassador Astrit Zemaj (@AstritZemaj) December 6, 2023
Kurse, sot, në Ditën e Forcave të Armatosura të Ukrainës, qeveria e Shteteve të Bashkuara mbajti ditën e parë të Konferencës së Bazës Industriale të Mbrojtjes SHBA-Ukrainë në Departamentin e Tregtisë në Uashington.
Siç njofton Shtëpia e Bardhë konferenca mblodhi rreth 350 përfaqësues të industrisë dhe qeverisë amerikane, ukrainase dhe evropiane në fokusin e rritjes së konsiderueshme të prodhimit të armëve për të mbështetur luftën e Ukrainës për liri kundër agresionit rus dhe për të forcuar vetëmbrojtjen afatgjatë të Ukrainës.