Kurti: Kosova rreshtohet me demokracitë dhe vlerat demokratike

Kryeministri Kurti, ka thënë se Kosova rreshtohet me demokracitë dhe vlerat demokratike dhe është partner i besueshëm i miqve të saj që ndajnë të njëjtat vlera

Kryeministri i Kosovës, Albin Kurti, të premten e 27 majit, ka pritur në takim oficerë të lartë që ndjekin Kolegjin Mbretëror për Studime të Mbrojtjes, Royal College of Defence Studies (RCDS) të Akademisë së Mbrojtjes së Mbretërisë së Bashkuar.

Sipas njoftimit të Zyrës së Kryeministrit, bëhet e ditur se Kurti ka thënë që Kosova rreshtohet me demokracitë dhe vlerat demokratike dhe është partner i besueshëm i miqve të saj që ndajnë të njëjtat vlera.

Shefi i ekzekutivit, ndër të tjera, ka shtuar se Qeveria e Kosovës është e angazhuar për forcimin e marrëdhënieve me shtetet mike e partnere, Mbretërinë e Bashkuar, Shtetet e Bashkuara të Amerikës, si dhe Bashkimin Evropian(BE) e Alencën Veri- Atlantike(NATO), veçanërisht në fushën e sigurisë dhe mbrojtjes.

Ai ka theksuar synimin e Kosovës për t’u bërë pjesë e Programit “Partneriteti për Paqe të NATO-s”, ndërsa ka veçuar rritjen e buxhetit për mbrojtje për 52 për qind.

Lidhur me situatën e sigurisë në rajon, pas agresionit dhe invazionit të Rusisë në Ukrainë, Kurti ka thënë se Kosova është e përkushtuar për stabilitet dhe siguri.

Duke theksuar se zhvillimi ekonomik dhe siguria shkojnë paralelisht, kryeministri ka folur edhe për luftën kundër korrupsionit dhe transparencën e Qeverisë në të gjitha proceset, me theks të veçantë në shpenzimin e fondeve publike dhe rritjen e mirëqenies së qytetarëve.

Gjithashtu, ai ka theksuar angazhimin e Qeverisë për të tërhequr më shumë investime të huaja direkte, për zhvillim më të hovshëm socio-ekonomik.

Në takim ishin të pranishëm edhe zëvendësambasadori i Britanisë së Madhe, Jacob Webber, atasheu i Mbrojtjes i Britanisë së Madhe në Kosovë, nënkolonel Matthew Walker, si dhe kolonel Ejup Maqedonci.

Shija e redaktorit

Takimi i shefit të CIA-s dhe atij të AKI-së, në...

Agjencia e Kosovës për Inteligjencë (AKI) ka dhënë detaje për takimin në mes të shefit të CIA-s, William Burns dhe drejtorit të kësaj agjencie,...

Libraria Dukagjini lehtëson blerjen e teksteve shkollore, hap pikën e...

Në prag të fillimit të vitit të ri shkollor, Libraria Dukagjini është kujdesur që t’ua lehtësoj procesin e blerjes së librave për prindërit dhe...

Prindërit vazhdojnë furnizimin me tekste shkollore, interesim i lartë për...

Çdo shtator, sikurse qëllimin edhe adresën e kanë po të njëjtën. E këtë vit, edhe pakënaqësitë. Së bashku me fëmijët, prindër të shumtë kanë filluar...

Të fundit nga rubrika