Avokati i të akuzuarit për terrorizëm, Millun Millunkoviq, i njohur si “Llune”, ka propozuar zëvendësimin e masës së paraburgimit me arrest shtëpiak, duke ofruar një shumë prej 30 mijë eurosh.
Avokati i tij ka theksuar se ky veprim ndikohet nga mungesa e provave për arratisje.
“Masa e paraburgimit kërkoj që të ndryshohet me masën e dorëzanisë në arrestin shtëpiak. Ne propozojmë shumën prej 30 mijë euro që i pandehuri të mbrohet në arrestin shtëpiak”, ka deklaruar avokati i tij.
“Milani nuk do të arratiset. Duke marrë parasysh që aktakuza është ngritur, nuk kemi me sigurim të provave, me ketë nuk ekziston mundësia e arratisjes”, ka thënë tutje mbrojtësi i tij.
Lexo edhe:Shtyhet seanca ndaj Pantiqit, Millenkoviqit dhe dy të tjerëve që akuzohen për terrorizëm
Ndërsa, gjyqtari i kërkon avokatit të drejtohet me shkrim gjykatës për kërkesën, ndërsa masa e dorëzanisë mbetet në shqyrtim.
“E pata durimin ta dëgjoj këtë kërkesë, sepse gjykatës duhet t’i drejtohesh me shkrim”, ka deklaruar gjykatësi.
Milenkoviq-Llune është arrestuar nën dyshimin se ka kryer veprën penale “Sulmi terrorist”, që kishte ndodhur ndaj zyrave të Komisionit Komunal të zgjedhjeve-KKZ në dhjetor të vitit të kaluar, në të cilën ngjarje dyshohet se është i përfshirë edhe ish-zyrtari policor i Kosovës, Dejan Pantiq.
Po ashtu, Milenkoviq-Llune dyshohet edhe për vepra të tjera penale të ndërmarra ndaj ushtarëve të KFOR-it, ku për këto dyshime Policia e Kosovës ka njoftuar se është duke mbledhur prova dhe dëshmi që implikojnë të njëjtit edhe në kryerjen e veprave të tjera penale.