Mbetjet e kulmit të objektit të Komunës që ra në tokë një ditë më parë po i largojnë puntorët e ndërmarrjes publike banesore.
E largimi i tyre nuk po duket edhe shumë i lehtë, derisa të mbyllura po qëndrojnë edhe disa rrugë që qojnë tek objekti në lagjen “Arbëria” të kryeqytetit.
Viktima e kësaj ngjarjeje, një 23 vjeçare, e cila mori lëndime serioze gjatë së enjtes, pas njëndërhyrje kirurgjike, mbetet në trajtim në Mjekimin Intenziv të QKUK-së.
Shaqir Uka – Drejtor i Mjekimit Intesiv Qendror ka theksuar se “Lëndimet të pacientja janë kryesisht lëndime në regjionin e kokës, thyrje të kockave të kafkës me gjakderdhje interacerebrale, gjegjësisht brenda trurit dhe kjo ka qenë edhe arsyeja për intervenim kirurgjik, janë edhe disa lëndime të unazave në regjionin e qafës.”
Për rregullimin e këtij kulmi, që kishte probleme edhe në të kalurën, komuna e Prishtinës, kishte dhënë një tender në vlerë prej 300 mijë eurovsh në mes të vitit të kaluar.
Por për të, nuk kanë komentuar nga komuna e Prishtiëns, që thonë se janë në pritje të raporteve zyrtare dhe se e gjitha është në duar të prokurorisë e policisë.
Lulzim Fushtica, Drejtor i Sigurisë dhe Emergjencave ka theksuar se “Të gjitha të tjerat i kemi kryer nga aspekti i sigurisë dhe emergjencave kemi reaguar ndërsa tjerat janë organet e drejtësisë që janë duke kryer punën e tyre.”
Nga Prokuroria kanë thënë se tashmë rastin janë duke e trajtuar si shkaktim i rrezikut të përgjithshëm.
Laureta Ulaj – Prokuroria Themelore në Prishtinë ka deklaruar se “Ditën kur ndodhi rasti prokurori kujdestar me të marr informatën i është përgjigjur vendit të ngjarjes bashkë me njësit relevante që janë të përfshira në trajtimine këtij rasti dhe i njëjti ka udhëzuar që të iniciohen hetime në drejtim të veprës penale shkaktimi i rrezikut të përgjithshem, veprimet hetimore po vazhdojnë të ndërmerren në koordinim të plotë me policinë.”
Gjatë ditës, 23 vjeçaren, që është edhe motra e deputetes së Lëvizjes Vetëvendosje, Fjolla Ujkani, e ka vizitar edhe kryeministri Albin Kurti, i shoqëruar nga ministri i Shëndetësisë, Arben Vitia.
Albin Kurti – Kryeministër i Kosovës ka theksuar se “Pa dyshim se kjo është shumë problematike mirëpo i përket organeve dhe institucioneve të tjera të shtetit tonë, që të japin vlerësimet e duhura dhe të sakta.”
Objekti i ri i Komunës së Prishtinës, gjatë së premtes ka qenë i paqaashëm për punëtorët e adminsitratës që punojnë aty, e pritet të mbetet i mbyllur derisa në fillim të javës pritet të bëhet vlerësimi i sigurisë për të parë nëse ekzistojnë kushtet për punë brenda tij.