Haradinaj në SHBA: Kosova dhe Ushtria e saj është gati të jetë anëtare e NATO-s në krah me Amerikën

Kosova dhe Ushtria e saj është gati të jetë anëtare në krah me Amerikën dhe shtetet tjera që janë pjesë përbërëse e Aleancës veri-atlantike të NATO-s, ka thënë kreu i AAK-së, Ramush Haradinaj

Kryetari i Aleancës për Ardhmërinë e Kosovës, Ramush Haradinaj, në kuadër të vizitës në Shtetet e Bashkuara të Amerikës, ka takuar sot drejtorin kryesor për Evropën dhe Politikat e NATO-s në Zyrën e sekretarit të Mbrojtjes, Alton V. Buland.

Në një postim në llogarinë e tij në Facebook, Haradinaj ka thënë se “Kosova dhe Ushtria e saj është gati të jetë anëtare në krah me Amerikën dhe shtetet tjera që janë pjesë përbërëse e Aleancës veriatlantike të NATO-s”.

“Nder i madh të vizitoj prapë Pentagonin dhe të takohem me z. Alton V. Buland, drejtor Kryesor për Evropën dhe Politikat e NATO-s në Zyrën e sekretarit të Mbrojtjes. Shfrytëzova rastin ta falënderoj Buland për angazhimin e madh që Ushtria dhe Qeveria Amerikane e ka tash e 25 vite në mbështetje të popullit të Kosovës dhe institucioneve të saj, në veçanti në ndihmën që i kanë dhënë forcimit të Ushtrisë së Kosovës”, shkroi ai.

Gjatë takimit me Buland, Haradinaj thekson se ka kërkuar që në rrafshin e bashkëpunimit Kosovë-ShBA, të ngritet dialogu strategjik për çështje bilaterale mes dy vendeve, në të njëjtën kohë të ndodhë anëtarësimi i Kosovës në NATO.

“Tash që jemi 25 vjet pas intervenimit të kësaj organizate të rëndësishme, ky do të ishte hapi i duhur i cili e ndihmon edhe sigurinë e brendshme, njëkohësisht stabilitetin dhe sigurinë rajonale”, shtoi më tej ai.

Shija e redaktorit

Të martën “Dukagjini” promovon librin “Kape Lepurin” të Lana Bastašić-it

Për të gjithë ju dashamirë të librit, shtëpia botuese “Dukagjini” ka njoftuar se më 26 nëntor, ditën e martë, në orën 18:00, në librarinë...

Hamza: Me Fondin e Papunësisë do t’i mbështesim të gjithë...

Kandidati i PDK-së për Kryeministër, Bedri Hamza, ka dhënë një lajm të mirë për të gjithë punëtorët që i humbin vendet e punës. “Me...

Shtëpia Botuese “Dukagjini” Promovon në Tiranë serinë e Lektyrave Shkollore

Në ditën e katërt të edicionit të 27-të Panairit të Librit në Tiranë, Shtëpia Botuese “Dukagjini” promovoi serinë e lektyrave shkollore, e cila këtë...

Të fundit nga rubrika