Rruga e paasfaltuar ndonëse e kalueshme në veri të Kosovës është përshkuar nga Televizioni për të përfunduar në kufi me Serbinë.
Kjo rrugë është në anën e majtë të Liqenit të Ujmanit.
Hartezimi ne internet tregon ndarjen kufirare në mes Kosovës dhe Serbisë që një pjesë është edhe në mes të Ujmanit.
E këtu liqenin e ndan edhe kjo urë e cila një pjesë është në territorin e Kosovës dhe tjetra në territorin e Serbisë.
Ndonëse nuk është pikë kufitare, këtu po lëvizin vetura të cilat nuk i kontrollon askush.
Deri sa Policia e Kosovës e doganeret po hasin shpesh ne kufinjë me mjete transportuese me mallra kontrabande në këtë urë lidhese të dyja shteteve po kalojnë edhe kamionë.
Kjo nuk po kontrollohet nga askush. As Policia e Kosovës e as nga KFOR-i.
Ndërsa burimet brenda policisë i kane treguar televizionit qe urdhërat për të patrulluar në keto zona janë të rralla.
Ashtu edhe siç u faktua në këtë terren.
Televizioni ka pyetur Ministrinë e Punëve të Brendshme se pse nuk ka patrullime te Policisë në këto zona e të njëjtit thanë se për këtë duhet të përgjigjet vetëm Institucioni i Policisë së Kosovës. E Policia nuk i ka kthyer përgjigje televizionit për këtë çështje.
Rrugës katër orëshe në vajtje dhe kthim televizioni nuk ka takuar as edhe një patrullë policore.
