Në Kolashinska të Mitrovicës Veriore sonte është ndaluar qytetari me incialet M. R (1987) nën dyshimin për posedim të substancave dehëse.
Gjatë kontrollit të makinës së tij Range Rover nuk u konstatua asgjë e paligjshme. Por, nën dyshimin për posedim të substancave dehëse, shtëpia e tij është kontrolluar në Zveçan.
Lajmin për Portalin Dukagjini e ka konfirmuar zëdhësi i Policisë së Kosovës pë rajonin e Mitrovicës së Veriut, Veton Elshani.
“Gjatë kontrollit janë gjetur një sasi e caktuar marijuanë, 6 pilula të dyshuara si ekstazi, një peshore digjitale, gëzhoja pushke dhe 14 makina për prodhimin e kriptovalutave dhe janë konfiskuar”, ka thënë Elshani.
Ai ka deklaruar se aksionin e ka kryer njësiti rajonal kundër narkotikëve, ndërsa kanë ndihmuar policët e stacionit të Mitrovicës Veriore.
Policia e Kosovës po e trajton rastin si posedim i paautorizuar i drogave narkotike, substancave psikotrope apo të ngjashme, si dhe posedim i paautorizuar i armëve.