Kryeministri i Kosovës, Albin Kurti, me një postim në rrjetin social X, ka njoftuar se askush nuk do të ndëshkohet për përdorimin e dinariy gjatë një periudhe tranzitore.
Ai, po ashtu, u ka bërë thirrje institucioneve të tjera që ta mbajnë të njëjtin qëndrim.
Kurti tutje tha se do të japin informacione më të plota gjatë ditëve në vijim.
“Qeveria e Kosovës, në kuadër të kompetencave të saj, nuk do të zbatojë asnjë masë ndëshkuese gjatë periudhës së tranzicionit dhe u bën thirrje shtyllave të tjera që të mbajnë të njëjtin qëndrim me përkushtim. Jemi duke punuar për informacione më të plota, të cilat do t’i zbulojmë në ditët në vijim”, ka shkruar ai.
The government of Kosova, within its competences, will not enforce any punitive measures during the transition period and is calling on other pillars to maintain the same stance dutifully. We are working on more comprehensive information, which we will unveil in the coming days.
— Albin Kurti (@albinkurti) February 12, 2024
Ndryshe, Banka Qendrore e Kosovës në fund të vitit të kaluar miratoi rregulloren e re, që ndalon përdorimin e valutave të tjera në sistemin bankar të Kosovës, përveç euros, e cila është edhe monedhë zyrtare.
Aleatët e Kosovës vazhdimisht i kanë kërkuar Kosovës që të shtyjë zbatimin e kësaj rregulloreje, me qëllim që t’i lihet kohë informimit dhe ambientimit të atyre që mbajnë dinarë që të kthehen në euro.
Për këtë Serbia kishte thirrur një seancë në Këshill të Sigurimit javën e kaluar, ku dhe u pa se të gjithë aleatët i kanë kërkuar Kosovës një periudhë “tranzitore”, me qëllim të informimit të serbëve lokalë për përdorimin e euros.
Kurti: Nuk mund ta kthejmë pas vendimin e BQK-së për dinarin