Ambasadori amerikan, Jeff Hovenier, ka uruar Kosovën në 16-vjetorin e Pavarësisë së Kosovës.
Hovenier e uroi Kosovën në këtë përvjetor si një demokraci sovrane, e pavarur dhe multietnike.
“Urime popullit të Kosovës kur festoni sot përvjetorin tuaj të gjashtëmbëdhjetë si një demokraci sovrane, e pavarur, multietnike”, ka shkruar Hovenier, në X, teksa ka shpërndarë deklaratën e sekretarit amerikan i Shtetit, Antony Blinken.
Congratulations to the people of Kosovo as you celebrate your sixteenth anniversary as a sovereign, independent, multiethnic democracy today. https://t.co/wpQldfSl6v
— Ambassador Jeff Hovenier (@USAmbKosovo) February 17, 2024
ShBA inkurajon Kosovën që t’i zbatojë zotimet e saj dhe të ecë përpara përmes dialogut të lehtësuar nga BE-ja, për të arritur një marrëveshje gjithëpërfshirëse të normalizimit me Serbinë në rrugën drejt njohjes reciproke.
“Ndërsa vazhdoni të bëni përparim në forcimin e institucioneve demokratike dhe promovimin e sundimit të ligjit, ne do të vazhdojmë të mbështesim një Kosovë multietnike që avancon një rajon më të sigurt dhe më të begatë. Shtetet e Bashkuara inkurajojnë Kosovën që t’i zbatojë zotimet e saj dhe të ecë përpara përmes dialogut të lehtësuar nga BE-ja për të arritur një marrëveshje gjithëpërfshirëse të normalizimit me Serbinë, në rrugën drejt njohjes së ndërsjellë në fund”, thuhet në urimin e Blinkenit.