FC Liria ka reaguar ashpër pas disfatës kundër Dukagjinit, me rezultat 2:1, në stadiumin “18 Qershori” në Klinë
Përmes një postimi në Facebook, klubi e ka cilësuar gjyqtarin kryesor, Vigan Ibërdemaj, “regjisor i fitores” të skuadrës klinase.
Nga Liria kanë pretenduar se sot në Klinë “iu është vjedhur pika”.
Rezultati i ndeshjes deri në minutën e 99-të ishte 1:1.
Për Dukagjinin në momentet e fundit të takimit u akordua penallti, pas rishikimit disa minutësh të VAR-it.
Goditjen e Gentrit Salihut nga pika e bardhë e priti Stivi Frashëri, por gjyqtari e ktheu penalltinë, të cilën pastaj e ekzekutoi Blerind Morina, të cilit gjithashtu ia priti Frashëri, por nga topi i kthyer shënoi golin e fitores për 2:1.
Gjyqtar kryesor në këtë takim ishte Vigan Ibërdemaj, teksa asistentët e tij ishin Besnik Morina dhe Zgjim Rrahimi.
Në VAR ishte Visar Kastrati, kurse në AVAR, Drilon Rexhepi.