Në mbrëmjen e së premtës në Pallatin e Rinisë dhe Sporteve do të mbahet Seria koncertale “SKENA UP” e organizuar nga Fakulteti i arteve – Universiteti i Prishtinës përkrahur nga Ministria e Kulturës Rinisë dhe Sportit, ku mysafirë do të jenë përfaqësues të Fakultetit të Arteve të Pejës.
Këtë e ka bërë të ditur Dekani i Fakultetit të Arteve në Pejë, Hysen Nimani përmes një postimi në rrjetin social Facebook.
“Ne kuadër të bashkëpunimit ndërmjet Fakulteti i Arteve Pejë dhe Fakulteti i Arteve – Universiteti i Prishtinës, konkretisht me Prodekanin Prof. Ass. Drinor Zymberi, gjithashtu përkrahur nga Ministria e Kulturës, Rinisë dhe Sportit, sonte Orkestra e Fakultetit të Arteve të Universiteti Haxhi Zeka në Pejë nën udhëheqjen e Prof. Asoc. Astrit Pallaska do të jenë mysafirë në Serinë koncertale “SKENA UP”
Fakulteti i Arteve të Universitetit të Prishtinës “Hasan Prishtina” njëherësh edhe nikoqirë i kësaj mbrëmjeje do të prezantohet me korin dhe orekstrën e këtij Fakulteti nën dirigjimin e prof. asis. Edon Ramadani, ndërsa Fakulteti i Arteve të Universitetit “Haxhi Zeka” në Pejë do të paraqitet me orkestrën nën dirigjimin e prof. asoc. Astrit Pallaska.
Koncerti fillon në ora 19:00.