Pas vrasjes së 21-vjeçares në Ferizaj, ka reaguar i pari i PDK-së, Memli Krasniqi, i cili ka thënë se Kosova nuk guxon të shndërrohet në një vend, ku gratë vriten në mënyrë të ripërsëritur dhe ku shndërrohen në numra.
Krasniqi i ka shprehur ngushëllime familjes së 21-vjeçares.
“Ajo ishte 21 vjeç dhe kishte një djalë. Jeta e saj, pa filluar ende mirë, sot iu shua nga ish-bashkëshorti i saj. Një tragjedi që shkakton shumë dhembje dhe e cila nuk mund të përmblidhet me fjalë. Fatkeqësisht, një krim që vjen dhe ripërsëritet muaj pas muaji në vendin tonë. Përtej fjalëve dhe thirrjeve, sot, rëndësi kanë veprat. Jo vetëm ato të organeve të drejtësisë, por të të gjitha mekanizmave të shtetit – politik dhe administrativ.
Kosova nuk guxon të shndërrohet në një vend ku gratë vriten në mënyrë të ripërsëritur e ku nuk ka ndëshkushmëri maksimale. Kosova nuk guxon të kthehet në një vend ku gratë shndërrohen në numra”, ka shkruar Krasniqi në Facebook.
Pasditen e së premten, një 21-vjeçare u vra me armë zjarri nga ish-bashkëshorti i saj në Qendrën për Punë Sociale të Ferizajt, i cili të plagosur ka lënë edhe vëllain e saj.
Figura të ndryshme politike kanë reaguar për këtë, duke kërkuar dënim maksimal për kryesin e veprës.
- “Një këmbanë shurdhuese për secilin”, pozitë e opozitë reagojnë për vrasjen e 21-vjeçares në Ferizaj