Me Ftesë të Shefit të Shtabit të Forcave të Armatosura të Serbisë, gjeneral Milan Mojsiloviq, komandanti i KFOR-it në Kosovë, gjeneral major Ozkan Ulutas do të marrë pjesë në stërvitjet ushtarake të Serbisë.
Në një përgjigje nga KFOR-i për Dukagjinin, thuhet se kjo është një stërvitje vjetore dhe se KFOR-i është njoftuar për përgatitjet që i kanë bërë forcat e armatosura të Serbisë.
“Me ftesë të Shefit të Shtabit të Forcave të Armatosura të Serbisë, gjeneral Milan Mojsiloviç, komandanti i Forcës së Kosovës (KFOR) të udhëhequr nga NATO-ja Gjeneralmajor Özkan Ulutaş, do të vëzhgojë Ditën e Vizitorëve të Dalluar të organizuar me rastin e stërvitjes së Forcave të Armatosura Serbe, “Whirlwind 2024”, të premten (19 prill 2024), në poligonin e qitjes në Pešter. “WhirlWind 2024” është një stërvitje vjetore e zhvilluar nga Forcat e Armatosura të Serbisë. Është bërë e ditur nga autoritetet serbe dhe KFOR-i është njoftuar për përgatitjet e tij”, thuhet në përgjigje.
Zëdhënësi i KFOR-it, kolonel Salvatore Mascoli tha: “Pjesëmarrja e gjeneralmajor Ulutaş në stërvitjen “Whirlwind 2024” pasqyron marrëdhëniet efektive të zhvilluara midis KFOR-it dhe Forcave të Armatosura Serbe gjatë viteve – duke përfshirë kontaktet e rregullta midis udhëheqjes së KFOR-it dhe Shefit të Shtabit të Forcat e Armatosura të Serbisë, gjenerali Milan Mojsiloviq, si dhe përmes vëzhgimeve të KFOR-it të stërvitjeve të kaluara të Forcave të Armatosura të Serbisë. Angazhimi i KFOR-it për të kontribuar në stabilitetin rajonal është i palëkundur.”
Tutje në përgjigje thuhet se KFOR-i vazhdon t’i monitorojë të gjitha zhvillimet që mund të ndikojnë në sigurinë e Kosovës dhe stabilitetin në rajon.
“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar një mjedis të sigurt dhe të sigurt për të gjitha komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i është reaguesi i tretë i sigurisë, pas Policisë së Kosovës dhe misionit të BE-së për Sundimin e Ligjit (EULEX), përkatësisht, me të cilët punojmë në koordinim të ngushtë. KFOR-i gjithashtu vazhdon të monitorojë të gjitha zhvillimet relevante të sigurisë që mund të ndikojnë në sigurinë e qëndrueshme në Kosovë dhe stabilitetin rajonal; dhe mban një qëndrim të dukshëm, fleksibël dhe të adaptueshëm në terren për të adresuar të gjitha rastet, në përputhje me mandatin e tij të OKB-së”, thuhet në përgjigje.
Stërvitja ushtarake e Serbisë ka ngjallur reagime nga përfaqësues të institucioneve në Kosovë. Kryeministri i Kosovës, Albin Kurti, ka thënë se ushtria serbe vetëm 30 kilometra larg kufirit të Kosovës është duke zhvilluar ushtrimet kryesore ushtarake të saj.
Sipas tij, ushtarët serbë po zhvillojnë ushtrime me dronë luftarakë kamikazë.
Ai ka theksuar se këto ushtrime janë duke u zhvilluar vetëm 3 kilometra larg kufirit me Malin e Zi.
“30 kilometra larg kufirit të Kosovës në Pashter të Sanxhakut është duke u zhvilluar, dita mbase kryesore e ushtrimit të tyre ushtarak të quajtur ‘Vihor 2024’, ata sot do të bëjnë ushtrime me dronë luftarakë kamikazë dhe vendi ku do të bëhen këto ushtrime përveç se është 30 kilometra larg kufirit të Kosovës, është vetëm 3 kilometra larg kufirit të Serbisë me Malin e Zi”, ka deklaruar Kurti.
Me këto sjellje, kryeministri Kurti ka thënë se Serbia po tregon që është aktori kryesor i përpjekjeve destabilizuese për rajonin e Ballkanit Perëndimor.