Kryeministri i Kosovës, Albin Kurti, i ka uruar shërim të shpejtë kryeministrit sllovak, Robert Fico, i cili është plagosur pasditen e së mërkurës.
Në një postim në platformën X, Kurti e ka quajtur tejet shqetësues lajmin për plagosjen e kryeministrit Fico, derisa ka theksuar se dhuna nuk ka vend në demokraci.
”Një lajm shumë shqetësues nga Sllovakia, raporton se kryeministri Robert Fico është qëlluar. I urojmë shërim të shpejtë dhe të plotë dhe i shprehim mendimet tona familjes së tij dhe popullit të Sllovakisë. Dhuna nuk ka vend në demokraci”, ka shkruar Kurti në platformën X.
Very disturbing news from Slovakia, reporting that PM Robert Fico has been shot. We wish him a fast and full recovery and extend our thoughts to his family and the people of Slovakia. Violence has no place in a democracy.
— Albin Kurti (@albinkurti) May 15, 2024
Po ashtu, presidentja e Kosovës, Vjosa Osmani, ka dënuar fuqishëm atentatin ndaj kryeministrit Fico, dhe i ka uruar shërim të shpejtë, duke theksuar rëndësinë e mbrojtjes së vlerave evropiane kundër aktit të dhunës.
Kryeministri Fico është plagosur rëndë nga të shtënat me armë dhe është në gjendje kritike.
Ai është goditur në stomak pasi u shkrepën katër plumba pranë Shtëpisë së Kulturës së Qytetit, Handlova, rreth 150 kilometra në verilindje të kryeqytetit, sipas mediumit sllovak TA3.
Kryeministri sllovak në “gjendje të rëndë” si pasojë e plagosjes me armë
Autoritetet po e transferojnë atë me helikopter në qytetin e Banska Bystrica për trajtim të mëtejmë.
“Kërcënim i vlerave evropiane”, Osmani dënon fuqishëm atentatin ndaj kryeministrit sllovak