Kylian Mbappe tashmë edhe zyrtarisht është bërë lojtari më i ri i Real Madridit.
Real Madridi ka njoftuar përmes një postimi në rrjetet sociale “Instagram”, duke shkruar se francezi ka nënshkruar me gjigantin spanjoll një kontratë pesë vjeçare sipas së cilës do të mbetet futbollist i ‘Los Blancos’ deri në vitin 2029.
“Real Madrid dhe Kylian Mbappe kanë arritur një marrëveshje sipas së cilës ai do të jetë lojtar i Real Madridit për pesë sezonet e ardhshme”, thuhej në komunikatën e klubit madrilen.
Theksojmë se Mbappe kishte qenë shumë pranë nënshkrimit me Real Madridin në vitin 2022, por në fund ai vendosi që të rinovojë kontratën me Paris Saint-Germainin.
View this post on Instagram