Me një gamë të gjerë titujsh të rinj e ekskluzivë, shtëpia botuese “Dukagjini” është duke u prezantuar në Panairin e 24-t të Librit në Prishtinë i cili çeli dyert më 5 qershor, e po vazhdon të mirëpres çdo ditë vizitorë, deri më 9 qershor, kur edhe do të bëhet përmbyllja e kësaj ngjarje.
Në kuadër të botimeve të veçanta, “Dukagjini” ka prezantuar edhe një botim të ri për këtë Panair – “Komploti”-n e Ben Blushit.
Për të gjithë dashamirësit e librit dhe lexuesit e autorit, “Dukagjini” organizon edhe një takim me autorin Ben Blushi tek stenda “Dukagjini”.
Mos e humbni mundësinë të takoni nga afër autorin, të diskutoni rreth librit, si dhe të merrni “Komplotin” e nënshkruar.
Takimi mbahet më 8 qershor, ditë e shtunë, ora 11:00 në Pallatin e Rinisë.