Kryetari i Partisë Demokratike të Kosovës(PDK), Memli Krasniqi, ka marrë pjesë në hapjen e Konferencës “BlockTalk Prishtina”, e cila po organizohet nga komuniteti shqiptar për kriptovaluta.
Gjatë kësaj konference, Krasniqi pati rastin të flasë mbi inovacionin digjital dhe rolin e kriptovalutave në të ardhmen.
“Konferenca si kjo, janë platforma të shkëlqyera diskutimi dhe vetëdijesimi, pasi që potenciali i teknologjive të reja digjitale e financiare për të ndryshuar paradigmat ekzistuese dhe për të transformuar të ardhmen tonë është jashtëzakonisht i madh” ka thënë Krasniqi.
Ky është njoftimi i plotë i tij:
Kënaqësi e veçantë që, sot, në hapjen e Konferencës “BlockTalk Prishtina”, e para e këtij lloji e organizuar nga komuniteti Crypto Albanians, të flisja për teknologjitë e reja, inovacionin digjital dhe rolin e blockchain dhe kriptovalutave në të ardhmen tonë.
Konferenca si kjo, janë platforma të shkëlqyera diskutimi dhe vetëdijesimi, pasi që potenciali i teknologjive të reja digjitale e financiare për të ndryshuar paradigmat ekzistuese dhe për të transformuar të ardhmen tonë është jashtëzakonisht i madh.
Gjithmonë kam besuar dhe besoj fort se Kosova mundet dhe duhet të jetë ndër vendet që dalin në ballë të inovacionit digjital në rajonin tonë, duke utilizuar potencialin e madh të rinisë sonë dhe përvojën tashmë ekzistuese në këto fusha.
